"See you in my dreams? Mukha mo! Kung sino ka mang loko ka, bangungutin ka sana." Wala akong planong makipagkita sa kahit sino, ni sa panaginip. Syempre, bukod kay Joel. Siya lang at wala ng iba.
***
Alas-onse ng umaga ang usapan namin ni Joel na susunduin niya ako for our lunch date. Syempre nag-handa ako ng bongga today. Madaling araw pa lang binisita ko na ang hardin at ginawa ko na ang mga dapat gawin. Nakahanda na rin ang dress na isusuot ko.
"Arrianne," tawag ni Ate Sonia at Ate Sally. Biglang sulpot sa kwarto ko ang dalawa.
"Oy, ano ba kayo, nakakagulat!" Kapa ko ang dibdib. Katatapos ko lamang kasi magbihis.
"Bilisan mo na diyan. Nasa hardin na ang prince charming mo kausap si Sir Danny," sabi ni Ate Sally. Na sumilip pa sa bintana.
Agad kumabog ang dibdib ko. Baka ano na
