Kumatok si Dante at maya-maya ay may nagbukas na ng pinto. "Inay! May bisita po kayo," sabi nung nagbukas sa aming babae. "Tuloy po kayo," sabi nung babae sa amin.
"Salamat po," sabi ko atsaka kami nag-alis ng sombrero ni Gary.
"Maupo kayo," sabi nung matanda pagkakita sa amin. Mahaba ang buhok niya at kulay puti. Maliit siya at may katamtamang laki ng katawan. Naupo kaming tatlo nina Gary at Dante atsaka sumunod ang matanda. "Ano'ng maipaglilingkod ko sa inyo?" tanong ng matanda.
"Ako po 'yung kinausap niyo noon tungkol kay Celine, at sila po 'yung mga artista na gaganap na bida sa pelikulang galing sa librong isinulat ni Celine," sabi ni Dante.
Tumayo ako para makipagkamay at sumunod naman si Gary. "Magandang araw po, ako po si Cindy, at ang nobyo ko po, si Gary," sabi ko.
"Kasama k
