"Juan, puntahan mo ako rito at baka ako ay mabaliw na," gigil na turan ni Luis sa matalik na kaibigan na kasalukuyang kausap sa cellphone.
Kaagad niya itong tinawagan pagkapasok niya sa kitchen. Hindi niya alam kung paano ikakalma ang sarili dahil sa selos na nararamdam. Kahit pa sabihing bakla si Paulo, lalaki pa rin 'yon sa paningin niya.
"Natatakot ka pa ba? Eh, matagal ka ng baliw." Pigil ang tawa na saad nito.
"Damn it, Juan! I'm serious."
"Okay, relax. Akala ko ba kaya mo? Bakit ngayon nagtatawag ka na ng back up?" Halata pa rin sa boses nito na pinipigilang hindi siya pagtawanan.
"Shut up, Juan!" inis na wika niya. "I'll call you later, magluluto muna ako."
"Wow! Chief ka na pala ngayon?" pang-aasar pa nito.
"Damn!" tanging naisagot niya sabay patay sa cellphone.
Nagsisi
