HINDI ko na nagawang magtanong dahil narinig kong nagpasalamat na sa stage ang guest performer. Nagmamadali akong bumalik sa loob ng tent. Kita kong madilim na ang mukha ni Rumble. Kanina pa siya nababadtrip dahil nga nag-aalala akong baka 'di umabot si Leo.
"Anong sabi? Sumagot na ba?" Nagsasalubong ang kilay na bungad niya sa'kin.
"Oo... may nangyari daw..."
"Anong nangyari? Alam naman niyang kailangan mo siya rito." Marahas na bumuntong hininga si Rumble at umiling.
Tahimik na naupo na lang ako sa tabi niya. Malapit nang tawagin isa-isa ang mga contestant. Anong oras pa darating si Leo? Pano kung hindi na siya umabot?
Nawawalan na ako ng pag-asa nang dumating si Leo. Napatayo kaagad ako para salubungin siya pero natigilan rin, nang makitang may kasunod siyang pumasok sa tent. S
