PABAGSAK akong humiga sa kama sabay nilapag sa isang tabi ang cellphone na kapit-kapit ko. Napa tingala na lang ako sa kisame sabay kumawala ng malalim na hininga. Naintindihan ko naman na gusto n’ya akong tulungan pero may karapatan naman akong tumanggi dahil ayaw ko naman s’yang maabala dahil kaya ko naman. Gusto n’ya talagang kasama ko s’ya sa pag asikaso pero kasi, ang tagal-tagal pa n’yang umuwi.
“Parang nag tampo yata si Mister Huston sa ‘yo. Ano ba ang pinag tatalunan n’yo?” Binaling ko ang aking titig na’ng biglang lumabas si Lailah sa banyo habang pinupunasan ang ang mukha gamit ang isang puting towel.
“Wala naman kaming pinag aawayan talaga pero... Nakita mo naman siguro ang Nanay ni Mister Hugo ‘di ba? Si Miss Hetti?” Umupo ako sa kama sabay hinarap s’ya.
“Oo, nakita ko kanin
