Tahimik ang gabi. Nasa opisina pa rin si Levi, nakayuko sa mesa, pilit tinatapos ang mga papeles. Ngunit biglang tumunog ang kanyang cellphone, isang tawag mula sa numerong hindi naman nakaregister sa cellphone niya. Napakunot ang noo niya.
Natigilan siya ng marinig niya ang boses ni Alejandra sa kabilang linya. Napaderetso siya ng upo.
“Levi...” mahinang tawag ni Alejandra, halos pabulong, may halong takot at pangamba.
“A-Alejandra? Ikaw ba ito?” mabilis niyang sagot. Tumayo siya, ang puso ay kumakabog nang marinig ang babaeng minsan ay minahal niya at hanggang ngayon ay minamahal. “Bakit napatawag ka? Sinaktan ka ba ni Hugo? Nasaan ka?”
Sandaling katahimikan ang namagitan sa kanilang dalawa.. Alam niyang nag-iisip pa si Alejandra. Narinig niya ang mahinang paghinga ng babae, tila n
