MULA sa ikalawang palapag ng munisipyo, nakatayo si Hugo sa may balcony ng kanyang opisina, hawak ang isang basong brandy habang malamig ang titig sa ibaba. Mula roon ay tanaw niya ang eksena, si Alejandra ay nakikipag-usap kay Levi.
Mula sa taas, kita niya kung paano humawak si Levi sa braso ni Alejandra, kung paano ito nagsalita na para bang nagmakaawa. At si Alejandra naman, halatang nagpipigil ng emosyon, pero hindi rin agad lumayo. Isang mapait na ngiti ang gumuhit sa labi ni Hugo.
“Well, well…” mahina niyang bulong, sabay lagok sa brandy. “Mukhang hindi talaga mapakali si Knight in shining armor.”
Pumasok ang isa sa kanyang tauhan, si Oscar, at agad niyang napansin ang direksyon ng tingin ng amo. “Boss, gusto mo bang lapitan ko?” tanong nito, bahagyang nakayuko.
Ngumisi si Hugo,
