Tila pinilipit ang puso ni Cazcoe nang masilip niya ang batang nakasakay sa likurang upuan ng SUV na lumabas ng malaking mansiyon. Walang tint ang salamin ng sasakyan kaya malinaw niyang namasdan ang batang lalaking nakaupo sa booster seat. Ang mga mata nito ay mapusyaw na tsokolate ang kulay, katulad din ng buhok nito. Ang balat nito ay kagaya ng sa kanya—maputi na mamula-mula.
Mula nang malaman niyang may limang taong gulang na anak siya sa dati niyang asawa ay hindi na napanatag ang kanyang kalooban. He felt restless day and night. Gusto niyang makita ang bata. So, he flew to Lansing, West Virginia. Nagulat pa siya sa laki at gara ng mansiyon na tumambad sa kanya nang puntahan niya ang detalye ng tirahang ibinigay sa kanya ng PI.
Hindi iyon ang naaalala niyang tirahan ni Caridad o ng
