Alas-sais pa lang ng umaga ay gising na ang buong mansyon. Bitbit ni Sienna ang kanyang backpack habang maingat na inaalalayan si Lucas pababa ng hagdan. Ang bata ay medyo antok pa, nakasandal ang ulo sa balikat ng kanyang yaya habang kukurap-kurap ang mga mata.
Sa ibaba, abala si Ren sa pagkakarga ng malaking maleta ni Lucas at ng ilang travel bag ni Xavier sa likod ng malaking itim na SUV. Si Aling Martha naman ay may dalang paper bag na naglalaman ng mga sandwich, biscuits, at bottled water para sa biyahe.
"Elena, uminom na ba ng gatas si Lucas?" tanong ni Aling Martha nang makalapit sila sa may pinto.
"Opo, Aling Martha. Pinainom ko na po siya bago kami bumaba para hindi po siya gutumin sa daan," sagot ni Sienna habang inaayos ang suot na jacket ng bata.
Pumasok sa sala si Xavier,
