“Bianca, hindi kaya masyado mo nang pinahihirapan si Brant?” tanong ni Armando habang nasa verandah sila at nagpapahangin. Maagang nagsara ang restaurant kaya nagkaroon ng pagkakataon ang pamilya na magkwentuhan.
“Dad, tingin lang ninyo iyon dahil ngayon lang siya nanligaw. Wala naman po akong matandaang p**********p sa kanya. Hindi naman ako katulad ni Mommy na kinailangan pa ninyong manilbihan sa kanila ni Lolo.”
“Of course, iba ang panahon noon,” sabi ni Lily. “Pero wala pa naman akong beinte noon kaya mahigpit si Tatang. Ikaw naman ay ipinagtutulakan na naming mag-asawa. Kaya utang na loob, sagutin mo na si Brant.”
Iniugoy niya ang rocking chair kung saan siya nakaupo. Iyon ang pwesto niya kapag nasa verandah at nakikipagkwentuhan.
“Mom, Dad, huwag ninyo akong madaliin. Huwag rin
