Chapter 119
Alora’s Pov
NAGPAPAHINGA pa rin ako pero sa bahay na. Ang sarap ng buhay ko dahil reyna na reyna ang datingan ko. Ayaw talaga niya akong payagan na bumangon. Pati nga yata pagpunta ko sa banyo ay binubuhat ako ng asawa ko para lang hindi ako mapagod. Sumobra sa oa ‘tong asawa ko. Pero hinayaan ko lang siya dahil baka yun ang gusto niyang gawin habang dala-dala ko ang pangalawang baby namin ni Hellion.
Naaaliw din naman ako dahil sa asawa kong hindi mapakali sa bahay. Para na siyang turumpo kakaikot.
Naihatid na niya ang anak namin sa school kanina. Nando’n naman ang tatlong bodyguard na Alonzo. Hindi parin namin nakakalimutan na kailangan naming ingatan ang anak namin kahit pa nga buntis ako.
Nandito lang ako sa sala at kumakain ng ubas. Ito ngayon ang gusto kong kainin
