Isang kilalang reporter si Roberta Rodrigo, mula Batanes hanggang Jolo kaya niyang puntahan maibigay lamang ang nagbabagang balita para sa sambayanan.Hindi mapapakali hangga't hindi nakapagbibigay ng tama at konkretong balita kaya naman kahit siya pa ang mag-imbestiga ay gagawin niya.
Nancy Drew kung tawagin siya sa larangan ng pagbabalita ngunit... paano kung ang dating kasintahan ng kakambal ang nasangkot sa eskandalo?
Naatasan siyang sundan ang kaso ng sikat na CEO na si Kaito Jin Shimizu, jetsetter, nouveau rich at higit sa lahat, lider ng mga yakuza sa pinagmulang bansa. Kaya ba niyang makipagbanggaan dito o puso niya ang babangga at mahuhulog dito?
Iniwan si Kaito sa ere ng nobyang si Olivia para sumama sa kalabang grupo. Masasangkot sa gulo na siya ang itinuturong pasimuno.Isang makulit na reporter ang bubuntot sa kaniya at magpapaalala ng sakit na dinanas mula sa nobya.
Mahuhulog kaya siya rito kung sa tuwing makikita niya ito ay mukha ni Robin ang nakikita niya?