Kinabukasan ng umaga...
“Cindy.” tawag ni Craig kay Cindy na noo'y mag-isa lang.
“C-Craig, anong ginagawa mo dito? Akala ko pinuntahan mo ang kapatid ni Muyou?” tanong ni Cindy na halatang nagulat sa biglang pagdating ni Craig.
“Nakakadismaya ka. Yan pala ang iniisip mo sa ganitong panahon. Lahat ba kami, ginamitan mo n'yan?” tanong ni Craig.
“Iniisip? Anong ibig mong sabihin?” tanong ni Cindy at napaatras siya sa sinabi ni Craig.
“Kumukuha ka ng atensyon. Yan lang ang gusto mong mangyari habang si Muyou, nagpapakahirap para maligtas niya ang mga taong kaya niyang iligtas. Cindy, h'wag ka sanang maging makasarili at isipin mo rin ang kapakanan ng iba.” sabi ni Craig.
“Kapakanan ng iba. Hindi ba iyan mismo ang ginagawa ko?” tanong ni Cindy at nanatili lang siya sa kanyang pwesto. “Hin
