"Ma'am may nahahanap po sa inyo. Ayokong papasukin pero nag-pu-pumilit po, e. Nag-e-eskandalo na rin siya rito, Ma'am," sambit ng sekretarya niya nang sagutin niya ang intercom mula sa pagtunog niyon.
"Sino raw siya?" bahagyang na-excite siya. Baka si Marco na ito at mag-so-sorry sa kanya.
"Gwyneth daw po, Ma'am." Napamaang siya at nadismaya. Sinong Gwyneth ito? Iisa lang naman ang pangalang Gwyneth na alam niya at imposible siyang puntahan nito.
"Ma'am, papapasukin ko po ba?" untag nang sekretarya sa pananahimik niya.
Nagtataka man ay nagawa niyang sabihin dito na papasukin ang panauhin. "Yes, let her come in."
Isang sopistikada at magandang babae ang pumasok sa opisina niya nang buksan ng sekretarya niya ang pinto. Halos kasing-tangkad niya ito ngunit kayumanggi ang balat pero m
