"A-anong w-wala na siya roon, Sheryl??" hindi makapaniwalang turan niya. Lihim niyang nahiling na sana'y sunod nitong sabihin na biro lamang ang lahat.
"I really hate this. Ayoko sanang ako ang magsabi nito pero wala naman ibang gagawa. Bumalik na sa Las Vegas si Marco, Vrenda. Maging kami ni August ay hindi namin alam. Parang biglaan dahil ni hindi niya nagawang magsabi."
"A-ano??" tila nagunaw ang mundo niya sa narinig. Isipin pang ilang araw lamang ang nakararaan buhat ng magpumilit ito na mahal na mahal siya pagkatapos ngayon ay nasa ibang bansa na pala muli ang binata.
"Sshhh...malay naman natin kung may inasikaso lamang siya roon pagkatapos ay babalik na ulit dito?" ani Sheryl na patuloy sa paghagod sa kayang likod.
"Kasalanan ko ito, Sheryl. Sana pinakinggan ko na lang si Ma
