VRENDA
Kinabukasan ay Linggo kaya naisipan niyang umuwi sa kanila. Nagsimba muna siya bago binisita ang mga magulang tutal ay wala pa namang tawag mula kay Marco na paluwas na ito.
"Kumusta ka naman, anak? Pressured ka ba masyado sa trabaho mo?" anang Daddy niya na napuna yata ang malungkot niyang awra.
"Hindi naman, Dad," aniyang tumabi ng upo dito sa hardin ng kanilang mansiyon. Ang Mommy niya ay nasa loob at nagpapahanda ng miryenda kay Mildred.
"Kung ganoon ay bakit nakikita ko sa 'yo na may malalim kang iniisip? May gumugulo ba sa 'yo, hija?"
"Wala ho, Dad. May iniisip lang ho ako," tanggi niya. Ayaw niyang pati siya ay alalahanin pa ng ama.
"Lovelife siguro ang dahilan, tama ba?" napatingin siya sa ama. Kahit kailan talaga ay ito ang higit na nakakakilala sa kanya.
"Magulo
