Chapter 34
Arianna's POV
Nagmadali akong magbihis para makababa na. Hindi pa rin ako makapaniwalang magkasama sina Jackson at ang mama ko sa ibaba. Na nakilala niya ang mama ko na alam naman niya na ang background. Hindi sa ikinakahiya ko si Mama, pero kasi paano kung kilala niya pala si Mama? Paano kung isa sa kilala niya ang naging boyfriend ni Mama? Paano kung malaman niya kung sino ang ama ko? Kabilin-bilinan sa akin ni Papa na huwag na akong lumapit sa kanila dahil baka makilala si Mama, ibig sabihin ay may ilang taong alam na naging kabit niya si Mama, at siguro ang tanging hindi lang alam ng mga ito ay na nagbunga ang pagkakasala nila.
Matapos kong magbihis ay lumabas na kaagad ako. Dahan-dahan pa ang lakad ko para pakinggan kung ano nang nangyayari sa ibaba. Ngunit ang tawa ni
