Napamulat ng mata si Julz, ng maramdaman niya ang malamig na likido na unti-unting bumabasa sa kanya. Napabangon siya sa pagkakahiga ng mapansing naroon siya sa isang parang, na halos berde ang buong palagid, gawa ng magandang bermuda grass. Naroon ang iba't ibang klase ng halaman na may iba't ibang kulay ng bulaklak. Napatingin siya sa kalangitan, na habang maliwanag ang sikat ng araw ay nagkakaroon ng rain shower.
"Weird." Wika ni Julz, na muling inilibot ang tingin sa paligid.
"Nasaan ba ako? Ano kayang klaseng lugar naman 'to? Wala naman akong natatandaan na may nadaanan or napuntahan akong ganitong lugar. Kaya paano ako nagising at basta na lang napunta dito?" Nagtatakang tanong ni Julz sa sarili, ng mapansin niya ang isang maputing bagay sa hindi kalayuan kaya naman napatayo siyang
