Suna's POV:
"Naku be, busy ako ngayon eh! Hindi ako makakaalis dito, nasa spa pa ako! Nakababad pa ang aking beautiful na mga paa," sabi ni Madam Barbie sa kabilang linya.
"Ay ganoon po ba, ayos lang naman po. Eh paano po kaya ako makakapaglagay ng make-up nito? Iyon pong magiging maganda ako?" tanong ko.
"Naima, simplicity is beauty. Pulbos, liptint, cheektint, kaunting eye shadow, kilay, samahan mo pa ng kindat ay maganda ka na! Hindi rin sa 'yo bagay ang makapal na make-up!" sagot sa akin ni Madam Barbie.
"Eh paano naman po ang damit na susuotin ko? Madam Barbie pasensya na po talaga, unang date ko po kasi ito! Hindi ko alam ang gagawin!" kinakabahan kong tanong. Nasa 20 minutes na kasi ako rito sa banyo at pinagpapawisan na. Hindi ko alam kung anong damit ang susuotin ko! Mabuti na
