SA WAKAS AY NARATING na rin ni Alleah ang pinakatuktok ng restaurant. Mas nagulat siya dahil ang bongga ng dekorasyon. Lahat pink. Para ba'y may ikakasal o mag-de-debut.
Sa pagkamangha ay naisip niya na baka nagkamali siya ng pinuntahan. Kaso ay ayun naman si Kael, nakatalikod ang binata habang nakatanaw sa malayo.
Napalunok ng laway si Alleah. Kahit medyo tinamaan na siya sa alak ay nakakaramdam pa rin siya ng hiya sa binata.
Kusa namang naramdaman ni Kael ang kaniyang presensiya. Dahan-dahan itong pumihit na paharap sa kaniya. At nanlaki ang mga mata niya nang makita niyang nakatulog sa mga braso ni Kael si Ellyah, este ni Sev.
"Si Sev?" natuwa niyang tanong. Lumiwanag ang kaniyang mukha.
"She’s not Sev anymore because from now on, she is Ellyah," nakangiting pagtatama nito sa kani
