"ANG PAIT!" angal ni Alleah nang may iniabot na wine glass ang naka-American suit na lalaki sa kaniya sa may pinto ng restaurant. At sabi sa kaniya ay inumin daw niya ang laman niyon kasi utos daw ni Kael.
Matapos ngumiti ay yumuko ang ulo ng lalaki. Hudyat na puwede na siyang pumasok. Waiter yata o guwardya?
Lilingon-lingon pa si Alleah sa lalaki, kasi naman alak 'yung pinainom sa kanya.
“Ganito ba talaga ang mga pang-mayaman na kainan? Alak agad? Ibang klase, ah!” naisaloob niya.
Paglingon ni Alleah ay isang lalaki ulit na tulad kanina ang sumalobong sa kaniya at tulad ng unang lalaki sa pinto ay may hawak itong wine glass. Ngiting-ngiti ito sa kaniya.
“Mga men in black yata ang mga ito o tauhan ni James Bond?” Sa isip-isip na naman ni Alleah.
"Hi!" bati niya. Ito na siguro ang ma
