"ATE ALLEAH, I WANT JUICE PO," paglalambing sa kaniya ni Charisse.
Napangiwi naman siya. Kung maaari kasi sana ay ayaw muna niyang maglalabas ng silid dahil alam niyang nasa paligid pa ng bahay si Kael. Nakasalubong niya kasi si Arthuro kanina at sumenyas na tigok na si Kael, meaning bulagta pa. May hang over siguro.
Ayaw niyang makita ito sa ngayon kasi wala na talaga siyang mukhang ihaharap pa sa binata.
"Sige, ikukuha kita. Pagkatapos nang pinapanood mo stop na 'yan, ha? Matulog ka na?" Pinapatulog niya talaga ang dalagita kapag tanghali.
Tumango si Charisse na hindi tumitingin sa kaniya.
Tumayo na siya. Bago siya lumabas ay nag-sign-of the cross muna siya. "Lord, sana hindi ko siya makasalubong," at piping dasal niya.
Humugot muna siya ng malalim na buntong-hininga bago siya luma
