"SINO BA’NG HINIHINTAY natin dito?" nakangiwing tanong ni Alleah kay Charisse. Inililibot niya ang kaniyang mata sa kabuuan sa kanilang kinaroroonan. Naroon na sila sa parang isang conference room o study room ng mansyon at masasabi niyang kahanga-hanga dahil talagang pangmayaman ang lugar. Kaya nga lang ay parang may ninanamnam siya na pagkain na hindi niya malasahan ang kaniyang hitsura. Napapahimas-himas din siya sa kaniyang pisngi. Hindi kasi siya mapakali. Nawiwindang pa rin kasi siya sa bilis ng pangyayari. Naloloka siya sa biglaang hila ni Charisse sa kaniya sa loob ng malaking bahay. Hindi niya maiwasan na hindi mangaba na makita siya roon ni Kael.
"My mommy, Ate. We’re waiting for her. I already called, and she said she’s on her way. Let’s wait a little longer, okay?" matamis pa
