حلات الحب عذابه

شهقة عشق

نور...فتحت الفون ...وبديت اقرأ رسائله وحده وحده...

كاتب ...لانور عفيه ليش ت**رين بيه لان احبج هيج تسوين ..شنو دتشاقين لو دتتعززين عليه ..او تعرفين مقدار حبج

لج لتستسلمين احبج ونبي اخذج ونهرب سوه وحتى امج اخذها ..اخوانج ميستاهلون تبقين يمهم ..

حرام عليج دكافي ردي .. عليه تره ميصير هيج هذا دمار عذاب حسي بيه مااتخلى عنج ولتضعفين صيري قويه وواجهيهم دافعي عن حبنا ..يعني حبنا ميستاهل ..كل هالاشهر احبج وماانطي بيج هيج تجازيني ..

يعني لهيج گتيلي اخر مره اشوفك هيج تننازلين بسرعه ..خرب بيهه من عيشه

واخر رساله ...مااشي نور تزوجي بس مراح اسكت اني خوش ومو اني الي اسكت لااا

اقرأ ودموعي تجري ..ونار وتشب بيه ولااكدر أجاوبه ابد .. غلقت الفون. وشمرته فوك الكنتور .. ورحت اريد انام بس عيني ماتغفى ..بس دمع ينزل ..هسه شصار لو هو الي خطبني ..ولبسني حلقه .. شصار كمت ادعي كون انام ومااكعد ..ياربي شسويت بيك علاوي انه اكيد هسه ديتعذب اووف شجابني بطريقك ..من يروح الك محسن فدوه وفدوتين ..هو واهله وعشيرته ..

اتذكر مسجاته ..وشون يلوم بيه واحس كل حرف كاتبه وهو متعذب ..وانه وانت نفس العذاب حبيبي بس محد يحس بيه صرت احاجيه بخيالي حبيبي علاء والله نفس الوجع اني بي ميختلف ابد نفس الحرگه بداخلك بداخلي ..وظليت ع هالحال واني كاعده ع الكاع ومثنيه رجليه ومنتكيه ع السرير الا ان حسيت بنفسي ان اني بحظنه واشتم عطره ونمت ....

صحيت الصبح ..ع صوت بنات حازم .. يتعاركن ..رحت الهن مسويات گصايب كل وحده لزمتها من گصيبتهه ..ورگعتهم راشديات ..ظلن يبجن ويباوعن الي ..بداخلي انقهرت بس شسوي تعبانه واحس روحي ميته ..

اجتي امهم ..ولج شبيج ليش تض*بيهم .. جهال انت شنو من مله ..

نور..انه شنو لو انت ..ولج باعي لاعبالج اصير لاخوج زوجه محترمه لااوالله مثل ماتعاملين اخوي ومشيته مثل الخروف لاامشي اخوج مثل الصخل والصخل شويه عليه

زهره ..ههههاي ..خاف هو يمشيج مثل النعجه

نور...يحلم حلمه والله ..وتقربت منها. كتلهه من هسه خلي يعوفني .. احسن الكم

عاد هي ض*بتني ع كتفي ع الخفيف وكالت الي انجبي هي استوت بعد وترفع بحواجبهه وتضحك ..بدون وعي عضيتهه بزندها دفعتني وض*بتني .. اجت امي تبجي ومن الالم وكعت يم الباب مابيهه تكوم .رحت الهه دفعتني .وتحجي عليه ..كافي ولج موتيني بهالمشاكل والحجي ولج صرت اتمنى اليوم الي ياخذوج وارتاح منج ولج موتيني

گتلها حتى انت ياامي محد يحس بيه .. وكمت ادعي بحرگة گلب ماادري شكد دعيت ع حازم وتفريطه بيه وهو يعرف كلش زين نسيبه شنو من مله .. امي تصرخ عليه ولج كافي ولج كافي .. تدعين ع اخوتج .. طبيت الغرفتي .. ولزمت التليفون .. اه ياربي فتحت رسائل علاء.. واحاجي بس بدون مااتصل بي اعاتبه من يمي .. وتلومني بعد يااعلاء تلومني ..اووف ربي اخذ عمري وريحني ..

صارت الساعات الي تمر عليه تخنكني خنك زهره صارت ماتشكي كل شي لحازم .تهددني تكلي خاف يزورك وجهج ووراج عرس ..

جان يجي محسن بس مااطلع اله انه ..اجه اليوم الي لازم نعقد محكمه ..اخذت امي ويايه خلصنا عقد ..كلما يريد يلزمني ادفعه وازجره واكوله وخر ..

محسن..موخر ..بس على كيفج ..يله نروح لبيتنه ينتظرونه ع الغده

نور..ودينه البيتنه ..

محسن ..ليش موينتظرونه

نور..ودينه گتلك لبيتنه ..امي بس تباوع النه وكالت يمه عيب على كيفج

محسن ..على راحتهه عمه

نور..باع محسن انت تدري انه مارايدتك تره تحلم تشوف مني خير

محسن..يصير خير ليش لا

نور...شكد بارد الكبر الك ابرد من اخته عاد طلب النه ت**ي صعدنا هو كعد كدام وانه وامي وره وبدت محاضرة امي وانه بس ساكته وارفع ايدي وانزلها عود معاجبني و رحنه للبيت دخلنه وباللهول. تلگتنه زهره ..هاا جايين هنا مو ع اساس تروحون لاهلي تتغدون ..

محسن ..لاتغيرت الخطه راح نتغده عدكم

زهره ..يا منو كلك مسويه غدا انه

نور...وشعندج ماتسوين غدا هاا جان سويتي شناقصج

زهره ..يمه فدوه المرت اخوي .. شون تحجي حلو

نور.. خاب ماتولين ..الكبر الج ولخوج ولرجلج هم ..جان يطلع حازم من الغرفه جان يكول ولج هي عليمن .. واجه يريد يض*بني ..صارت بينه زهره ..گلتله لا حازم وراهه عرس يخرب وجهه ..عاد دفعت زهره ودخلت الغرفتي .. اسمع حازم يگول المحسن تفضل تفضل ..دخلو ا

اجت امي وراي ..ونطتني محاضره .. ولج يمه الولد خوش ولد عاملي زين ..

انه مااهتم الكلامها .. ابد ..گتلها يمه اريد ابدل ..جرت الحسره وطلعت ..بدلت وكعدت بغرفتي صرت احاجي علاء بيني وبين نفسي گلت اله عقدت بس ردتك انت بداله اليوم اوف يربي ..بقيت كاعده ..بالغرفه ..اجت امي صاحتني ..يله تعاي اتغدي .. كتلها ماريد رادت تحجي .. كتلهه يمه دخيلج روحي طالعه من خشمي وماالي نفس الكل شي طلعت امي ..

وراها بدقايق اجه حازم ..وسحبني من ايدي

حازم ...گومي تغدي ويا خطيبج ..

نور..وهو يسحبني تناوشت شال ع السرير مشمور وخليته ع راسي ..رحت كعدنا ع السفره ..زهره مطلعه مركة فاصوليا مالت البارحه .. وجايبين دجاجه مشويه من السوگ وطابخه تمن اصفر .. وخضره وزلاطه

كعدني حازم بقوه يم محسن ..وراح كعد بغير مكان ..سحبت بنت اخوي حازم اسمها فاطمه .. وخليتها بيني وبين محسن ..تغدينه وخلصنه ..اني كمت الملم السفره واشغل روحي حتى لااكعد يم محسن .. غسلت المواعين وخلصت ..زهره صبت جاي الهم وراها نامو الضهر والعصر طلع محسن

مرت الايام ..وصار ع خطوبتنه اسبوعين كلما افتح الفون ميته من الاشتياق العلاء بس اكول بلا ما اعذبه اكثر خلي ينساني ويشوف حياته ..وارجع واتسائل ياتره .. هم متعذب مثلي او لا ..

بعدهه بكم يوم ..اجوي محسن وامه يردون ياخذوني اجهز للعرس ..اني كتلهم كيفكم ومااروح وياكم

ام محسن ..شبيج عيني مترحين لعد ع قياس منو اخذلج

نور..خاله قياسي مو ذاك المحزر اخذي اي شي مابيه اطلع بالحر انه

ام محسن..ام حازم احجيلج شي خلي ناخذهه نشتري الغراض .. مايصير هيجي احنه جاهزين الكل شي بس هي بعد لازم تجهز ..

نور...امي رادت تحجي .. گتلها خاله اخذي اي شي وفضت وراحت

ام محسن ..هذا هو ناخذ اي شي ..بس اسمعي..هي كدام امج بعدين مو تكولين مايعجبني الخذتو خوش

نور..اطمئني خاله مااكول .(بس بگلبي اگول اله ااشوفج نجوم الظهر مثلما بتج مشوف*نا الويل)..طلعوا

قرب وقت العرس ..جابولي كلشي ع ذوقهم الذهب والملابس وكل شي ..كلما يقرب الموعد روحي تطلع مني واحسها تروح العلاء وتريد تعرف اخباره .. كل دقيقه تمر اموت بس مااريد اعذبه واخابره واكول كافي انه ع ذمة رجال او نص رجال .. محسن كلشي ماكو وهم امره بيد امه واخته .. واحسه ظاملي شي او يريد ينتقم مني ع معاملتي اله ..والتفكير اكل روحي اكل..

قبل العرس بيومين ..طگت روحي طگ مااتحملت وفتحت الفون ..وخابرت علاء

لوم بيـه

الروح تستاهل ملامه

وورج اعيوني على ليل اليسوه اعوفنك وانامه

انت انت شماجزيت بجرحي لجمه

تبقه غالي ..

شماتنسينه السنين وجوه اهلنه تبقه

تسيورة غنه وونسه علبالي....

علاء...هه هله بالغداره الخاينه .. شونج يبت گلبي ..شونج ياعذابي ..ياموتي وانا عايش شونج ..

نور.... علاء لاتسألني شونج. انه مو عايشه لتسألني ..رايده اودعك واروح ...

علاء..وين تروحين

نور..علاء باجر الحنه وبعدهه العرس ..

علاء...يعني صارت ؟خطبج لبسج الحلقه شافج بالبدله باسسججج هاا شاف شعرج سوالج شي احجي (بصياح)

نور . لا والله علاء .. مااطخني مااخليته ولاابد ..واذا يصير واتزوجه راح اصير اله جسد بس مو روح روحي الك

علاء...لااوعدج مراح تصيرين اله واذا صرتي اله انه مو رجال

نور...علاء انساني وعيش حياتك (بشهگة بجي)

علاء..ماشي راح انساج واشوف حياتي وعد اوعدج بس باعي ماراح تصيرين الي وهم ماراح تصيرين اله ...اخذيهه وعد مني ماشي

نور....شراح تسوي فدوه

علاء...راح يوصل الج شراح اسوي .مو انه الي اسكت نور .گتيلي باجر الحنه مو ؟؟

نور...اي علاء وكافي بعد لاتخابر عفيه

علاء...هه انه ماراح اخابر بس راح اجبرج انت تخابرين ..

.