حلات الحب عذابه

ستذكرني في فم كُل امرأة عادية تُخبركَ إنها تُحبك بلا مُقدمات، دون أن يخفق قلبها خمس مرات قبل نُطقها دون أن تتحسس قلبكَ عن بعد وتصدقها... و ستذكُر أسمي لربما في صحوتك، او حتى ثمالتك بين أحضان امرأة باردةً عليك لاتعرفك لاتراكَ في أحلامها لا تشُم رائحتك على بعد شارع ومدينتين واكثر.. ستذكُرني سراً تُخفيهِ حتى عن نفسك مُعلقاً في رفوف قلبك المُغبرة ستذكرني كُلما تقدم بكَ العمر وازداد ألم قلبك ما إن تضعَ يدك عليه ستراني بين ض*باته سأظل دوماً كالظل ارافقكَ. #حلات_الحب_عذابه الجزء الاول .......... .......... بقلم #نورا_غدرني_الزمن ........... ملاحظه *حادثة فصل الستوته حقيقيه ?والباقي من وحي الخيال الحب .. بدون عذاب ..وغيره ..واشتياق وبعد.. وسهر.. وحزن .. حب عادي ماإلــه لذه وطعم....... اني علاء عمري 22سنه خريج كليةاداب قسم ادب انكليزي ... طول عمري ماعندي حظ الي ويايه تخرجو وتعينو وانه وين مااذبها متصير شكد قدمت شكد حاولت ماكو اقدم ويه اصدقائي .. ع تعيين هم يطلع وانه لا بقيت اشتغل .. منا ومنا .. ع العماله ومرات بالسوك .. ابوي متوفي امي الله يحفظها ويحفظ امهاتكم موجوده واخوي صلاح متزوج وعنده 3جهال. احنه ساكنين بمنطقه شعبيه واغلب البيوت الي بيهه تجاوز وحاله تعبانه انتقلنه الهه ع الجديد مصار هواي ..وعندي اخت وحده متزوجه بغير محافظه. . من كم شهر جمعتلي مبلغ ابالي اشتري ستوته تعبت هالكد مااشتغل بالشمس بالعماله والسوگ .. حسام صديقي الله رزقه واشتره سياره .. ع كد حاله .. وكال يبايعني الستوته مالته .. ووعدني بهالشي كبل لايشتري السياره گال الستوته الك انت اشتريهه .. رحتله للبيت شفته محضرلي الستوته بره .. سلمت عليه وظليت اباوعلهه شفت مكتوب عليهه نور ... علاء.... لك حسام منو هاي نور حسام .. ههه ولك هي من اشتريتها مكتوب هجي وشكد صاحبت ماحصلتها النور . بلكت انت تحصلهاا علاء .. وهي ياجكمه يانور التقبل بيه حسام .. شبيك فدوه الخشمك حبيبي تخبل علاء.. ولك مو ع الشكل .. بنات هالوكت يدورن بخت وانه ماعندي بخت .. المهم هذا المبلغ الكدرت اجمعه .. اعذرني ان شاءالله اجمعلك الباقي .. حسام .. صدك جذب اخوي انت واذا ماعندك مالازم اخذهه بالعافيه عليك علاء ... لايمعود شسالفه ادري بيك مطلوب ع السياره.. وماقصرت بايعتني .. حسام .. حبيبي علاوي بالعافيه عليك نور علاء.. نور منو هي بعد حسام ... الستوته مو اسمها نور هع علاء... اخذت الستوته ورحت بيهه للبيت فرحان ..اول مره يصير عندي شي ملك الي دخلت للبيت شفت العيطه گابه گتلهم خير شكو ... سمعت صوت مرت اخوي هدى عالي علاء... خيرج شبيج تخبلتي .. صوتج واصل لراس الفرع .. هدى .. الله يساعدك علاوي علاء.. الله لايساعدني هدى... ياخويه شسوي خبلوني .. جهال اخوك مايكعدون علاء.. اي كضيلهم صونده وطيحي حظهم وصوتج لايطلع عيب منا العالم ورجلج ماموجود مايصير تره هدى... اي خويه ان شاءالله اخر مره .. اكلك علاوي هاي الستوته الك .. علاء.. اي الي هدى .. الف عافيه الله يكفيك شرها علأء .. خوش .. امي وين .. اجت امي تمشي ع عوچيتهه .. هلا يمه شبيك طالع صوتك .. علاء... چنتج لايطلع صوتهه منا العالم .. وكاعدين بالشارع الولد ويسمعون كل شي يعني يمه من تسمعينها تصيح حاچيهه ام علاء... اي يمه انت لاتعصب هدي ويجرالك جنه صوت ستوته طبت للبيت علاء...اي جبتهه يمه ام علاء... يمه دير بالك من تسوق علاء... يمه قابل هي تريله هي ستوته ام علاء... ميخالف يمه الحذر واجب علاء.. ان شاءالله يمه تدللين وله يهمج مايصير خاطرج اله طيب .. وبوست راسها ورحت سبحت وبدلت صبو العشا واجه اخوي صلاح وتعشينه وكلت انام وكت حتى اكعد وكت كبل للشغل .. كعدت ثاني يوم وباشرت الشغل بالستوته الي عنده مكيف خربان اودي للتصليح واجيبه والي عنده تلفزيون او شاشه خربانه منطقتنا منطقه شعبيه... مايشمرون شي ويشترون غيره لايصلحونه ..واستمر شغلي على هالحال جم يوم الدرب 5000وماشيه الحاله الحمدلله ضمن منطقتنه.. احط بيد امي المقسوم واوزع ع جهال اخوي على ربع ربع كل واحد بايده... بعد مرور اسبوع ع شغلي بالستوته.. واشتغل ع التليفون يخابروني واروح الهم .خابرني واحد من منطقتنه بس غير فرع تقريبا بعد فرعين عن فرعنه .. كال عنده مكيف عطلان يودي للتصليح .. رحت دكيت الباب محد طلع كعدت اتانيهم يطلعون .. اباوع الفرعهم بيت يم بيت .. شويه وطلعوا من البيت الي بصف بيت الرجال الطلبني زلم تلاثه تقريبا اعمارهم 25وفوگ ...سلمو عليه وگال واحد منهم ...انت شعدك هنا يوميه رايح جاي منا گتلهم طريق شغلي... كالو وهي شنو نور مكتوب على الستوته .. كتله جديده توه اشتريتها ومكتوب هيج عليهه .. گال انت جذاب انت مصاحب اختنه نور ويوميه تمر منا حتى تتواعد وياها.انه تفاجئت گتله عمي لااعرف اختكم ولا هم يحزنون ... انه طريقي منا وهسه اجيت اخذ مكيف .. مال ذاك الرجال حتى اسئله .. حجايه مني حجايه منهم كبت بيناتنه اجو العالم فاككونه .. رجعت للبيت .. طاكه روحي اعرف روحي ماعندي حظ ابدا وهم عود يصير لي حظ بالشغل ... دخلت سبحت وصبو عشه مااشتهيت اكل.. ام علاء.. يمه اشبيك مو عوايدك ماتاكل وضايج شحالك شبيك علاء.. يمه ماكو شي بس مالي خلگ ام علاء.. شبيك يبعد امك .. خاف طكوك عين تعال اقرا عليك المعوذات .. علاء... يمه على شنو تجي عليه العين ام علاء.. يايمه الناس تحط عينها ع الزبل يباوعولهه ويكولون ياكلون واجد علاء... خليت راسي ع رجل امي واسمعها تقرا عليه المعوذات... واحجي بگلبي منين اجتلي هي بعد وشعرفني ببتهم..خاف متوهمين..خاف بتهم مصاحبه واحد وتطيح براسي.. لشويه اجه ابن اخوي الجبير حمودي عمره عشر سنوات .. وگال عمو عمو اكو جماعه بالباب يردوكم اخوي جان كاعد بالمطبخ سمع گال اگعد انت انه كايم افتح ..جان لابس. شورت وفانيله تناوش دشداشته جانت معلگه بالهول .. عدنه داكين تعلاگه مال ملابس بيتنه بسيط كلش عباره عن هول وغرفتين وغرفة خطار لبسهه وطلع وره شويه اجه صاحني گال تعال يردوك كمت لبست قميص لان كنت لابس بس فانيله كيمونه .. واتسأل منو يريدني وهذول منو بس داخلي ممرتاح اتوقعتهم ذول الشرانيين يجون رحت طبيت عليهم .. شفتهم تلث زلم معگلين ولابسين لبس شيوخ .. گالو احنه شيوخ من العشيرة الفلانيه .. بيت ابو حازم يطالبونكم فصل ابنكم مصاحب بتهم وكاتب اسمهه ع الستوته .. ظليت اضحك ..وجهكم وجه شيوخ انتوا ..يامتخلفين .. كتلهم والمطلوب كالو الكعده يوم الجمعه بديوان الشيخ حماد صار كلام بيناتنه وكذا وطلعوا صلاح .. شصاير يااخي صدك انت مصاحب علاء.. ابو محمد انت شتشوفني انا فارغ الهسوالف يمعود الستوته مكتوب عليهه نور شمدريني واكف كبال باب بيتهم وبتهم اسمها نور اجو يكلولي مصاحب بتنه وانه لااعرفها ولاشايف چهرتهه .. صلاح ..باجر اروح على شيخنا ونشوف الحل ويا شنو اخوي لاتخاف انت وروح نام وطبطبت ع كتفه علاء..منين اخاف ..هو شمسوي انه حتى اخاف ..يلا تصبح ع خير فتت للهول.. تلگتني امي .. گالت خير يمه منو هذول وشيردون .. گتلهه ماكو شي يمه ليظل بالج وفتت للغرفه افكر ..واحسب ليش انه من دون البشر تعيس الحظ شكد احاول اجاهد واقاوم هالحياة حتى اكون نفسي واكدر اصير شي .. تطلعلي شغله من جوه الارض... وتخرب كل شي .. نعله على لشة نور منين طلعتلي هاي النوب..لو حارگها الكتابه بتيزاب ولاا مبقيهه .. تمددت ع السرير ..واتگلب ..گوه نمت الفجر يله غفت عيني .. كعدت ع صوت باب غرفتي اخوي صلاح يكعدني وگلي يله حتى اروح للشيخ كمت مديت ايدي سحبت تليفوني.. واباوع الساعه ب10تمطيت..وكمت سبحت وبدلت . شفت امي بالهول .. كاعده وبحضنهه ابن اخوي الزغير عمره اشهر ... صبحت عليهه وطلعت بالطارمه انتظر اخوي صلاح .. اسمعها تصيح عليه يمه تعال تريك .. عندك ع الطباخ . بالطاوه بيض وطماطه.. گتلها مااريد مااشتهي ..ظلت تحجي ماسمعتها طلعت بره يم الباب سحبت باكيت الجكاير ادخن .. اجه اخوي صلاح ورحنه للشيخ وحجينه .. وگال اليوم اروح واشوف شيخهم. وانطيكم خبر طلعنا ..من بيت الشيخ ورجعنه للبيت .. مرت الساعات وانه اندب حظي .. وافكر وصاير اعصاب جهال اخوي شبعتهم كتل .. واطلع الحرگه بيهم وهم اوكح من الجن .. كل شويه متعاركين صار العصر .. دخل اخويه صلاح وگال .. خابر ابن الشيخ وگال تره ذول م**مين ع الكعده .. وكايلين اخوتهه .. كل يوميه يتعده ع بيتنه بالستوته وكاتب اسمها گتله ..يمعود مااعرفها مااعرفها شچلبوا ذول بس طريقي على بيتهم من اروح للسوگ صلاح..علاوي انت منحوس منحوس خلنحضر الكعده وشيريد يصير بعد انوب يهجمون عالبيت وين نودي وجوهتنا علاء...الله ينتقم منهم .. وحسبي الله ونعم الوكيل عليهم طلع اخوي صلاح وامي تسمع نحجي وكل شويه تسال بس احنه مااريد اانضوجهاا .. بيوم الجمعه .. يوم الكعده .. فصلونه 5ملايين منا منا طيحو 3كالو عليكم مليونين اولاد الكلب ماادري شون هيج يفرطون بسمعة اختهم .. وعدهم الفلوس اهم من كل شي.. رحت ع حسام كتله راح ابيع الستوته بلكي تشوفلي شراي شي .. گال .. ولك علاوي هي هي منين جتك بالله .. علاء ..حظي يمعود غير .. حسام .. اكلك ليش ماتروح تخطبها النور وترتاح علاء...شبيه مخبل اروح اخطب وحده خواتها قفاصه حسام...هههههه يمعود صدك قفاصه اعرفهم ذول .. صدك يدورن فصول عايشين عليها علاء ..ادري شكد صارلها عندك الستوته مااقفصوك اله انه حسام..حظك هذا غير .. علاء..منحوس شسوي .. علاء..بعدهه بعت الستوته وتداينه انه وصلاح اخوي فلوس منا ومنا .. وكوه دبرناهن مليونين ..صح عند البعض بسيطه ومالهه قيمه بس انه مامدبرها .. وانطيتهه الهم .. وانه اكول هاكم لاهناكم بيها .. رجعت اشتغل بالسوگ وكلما امر ع بيتهم اتفل عليه .. شكد ناس ماتستحي وتاخذ جهد وتعب غيرها .. ووين مافقير توكع براسه .. اليگلك عايشين بغابه وناس تنهش بناس .. حاولت اشتغل هالفتره ..حتى اسدد ديوني اشتغلت بالمخضر وي واحد بالسوگ .. وانقهر على حالي شكد تعبت شكد درست وخلصت كليه .. والي مثلي يشتغلون احسن شغل بس هي حظوظ شسوي .. فد يوم طلعت الصبح من بيتنه .. انه طريقي دائما على بيتهم ذولي الفصلوني .. مااشتهي امر عليه بس مجبور شسوي طريقي هذا افوت منا واروح للسوگ.. گبل لااوصل لبيتهم شفت بنيه طلعت من البيت لابسه ملابس مدرسه ... تمشي ع السريع ..باوعتلهه شويه مربربه .. وملابسهه حصر عليهه ولابسه شال وطالع شعرها منه .. بعدهه طلعت وراها مره جبيره ..وظلت تصيح عليها. نور نور ولج نويييييره ..... تره هي مو اني والله هي هيج اسمها وللحكايه بقيه ... ησяα