MAAGA akong nagising kinabukasan dahil gusto kong ipagluto ng almusal si Eionn. Alam kong dinamdam niya ang mga nasabi ng kambal niya kagabi na kahit pa sinabi ko ng mali ang mga naging pahayag ni Ehryl ay halata pa rin sa mga mata niya ang pagkabalisa, bagay na hindi ko gustong magtagal sa isipan niya.
Hindi niya dapat maramdaman ang gano’n. Ang malungkot dahil sa pag-iisip na kinamumuhian ko siya gayong hindi naman ‘yon ang totoo. Siguro no’ng una ay gano’n ang naramdaman ko dahil hindi ko pa alam na dalawa pala silang Zendejas, na may kambal siya, pero ngayon ay mas naging klaro na sa akin na hindi ko siya dapat kagalitan o kamuhian.
Bakit ako magagalit sa isang taong walang hinangad kung hindi mapabuti at protektahan ako? Alam ko na naging masama ako sa kanya noon pero sa totoo lan
