MABILIS lumipas ang mga araw. Inabot din ng apat na araw ang trabaho ni Eionn sa Baguio. Bago umuwi ng Maynila ay nagpunta muna kami sa isang market para mamili ng mga pasalubong dahil nangulit si Ma'am Eisha sa kanya. Gusto raw nito ng mga sariwang strawberries, mga gulay pati na rin ang mga minatamis na mani na sa Baguio lamang makikita. Wala namang nagawa si Eionn kung hindi sundin ang gusto ng kapatid.
Masasabi ko na mahal at nirerespeto ni Eionn ang kapatid niyang babae. Sa paraan palang ng pakikipag-usap niya kay Ma'am Eisha sa cellphone ay halata na ang pag-iingat at paglalambing.
Hindi ko tuloy maiwasang humanga lalo na at isa 'yon sa mga ugaling gusto kong makita sa isang tao. . .
"Do you like strawberries?" biglaang tanong sa akin ni Eionn habang bumibili ng strawberries.
Nap
