KUMURAP ako at napayuko.
“Pumunta ako sa bahay niya at inasikaso siya dahil tama naman si Ma’am Eisha. . . na mataas ang lagnat niya at walang puwedeng mag-asikaso sa kanya. Pagkatapos. . ." Sumulyap ako sa kanya. Nakatuon lamang ang atensyon niya sa akin ngunit kitang-kita ko ang pag-igting ng kanyang panga. “Kahapon, pagkagaling ko kay Auntie Levi, d-dinalaw ko ulit ang kambal mo dahil nag-aalala ako sa kanya. Naglinis ako ng kaunti at hinandaan siya ng pagkain. . . saka lamang ako umuwi rito."
Tumikhim ako. Pakiramdam ko ay nagbabara ang lalamunan ko dahil sa pagsasabi ng totoo. Katotohanang dapat niyang marinig mula sa akin dahil ayaw kong sa iba pa niya malaman...
“S-sorry kung hindi ako nagsabi. . ." saad ko sa napapaos na boses. “O kung nagsinungaling ako para pagtakpan ang pa
