PASADO alas kuwatro na nang makarating ako sa harap ng mansyon ni Ehryl. Luminga-linga ako sa paligid at saka malalim na lumunok. Alam ko naman sa sarili ko na wala akong ginagawang mali pero hindi ko pa rin maiwasang hindi mabalisa.
“Oh, Elle! Dalawin mo ulit si Sir Ehryl?” bungad sa akin ni kuyang guard na nakabantay sa gate.
“O-opo, Kuya. Nariyan po ba siya? Kumusta po pala?”
“Oo, narito siya. Sinubukan ko siyang painumin ng gamot kagabi kaya lang ay masyadong tamad bumangon. Pasok ka, hija!” tugon ni Kuya. Binuksan nito ang gate para sa akin. Tumango lamang ako at saka pumasok na sa loob.
“Nagpunta po ba rito si Ma’am Eisha?” tanong kong muli habang nakatingin sa malaking mansyon.
“Oo, dumalaw nang mga hating gabi pero umalis din agad. Mukhang maayos naman na si Sir Ehryl at
