AZUL
Ilang oras na kaming nagpapraktis dito. Napapagod na rin ako, at medyo gutom na rin. Hinihingal na sumandal ako sa puno. Nauuhaw na ako pero hindi pa kasi lunch time kaya hindi ako makainom ng tubig. Wala naman kasing libreng tubig dito. Ang mga The Crusader talaga ang nagbibigay ng makakain at maiinom namin.
Nakita ko pa si Jordan na tuloy lang sa pag-ensayo. Nakikita ko na pursigido si Jordan na manalo. Sabagay, kailangan nito ng pera. May sakit ang anak nito. Hindi ko naman siya masisisi.
Sila Ate Judith naman ay medyo nasa malayo at pinapatay ang mga maliliit na snail at mushrooms na ginawa siguro para maging training ground namin. Bumabalik naman ang mga ito pagkatapos mamatay. Parang computer lang na nakaprogram.
Kita kong seryoso rin sila Isla at Rose sa pagpa-practice. Pi
