ISLA
Isang linggo ang matuling lumipas sa mundo ng Elinia.
Nagising ako na napakasakit ng tiyan ko. Oo, tama ang sinasabi ni Rose. Iba talaga ang oras dito sa Elinia sa totoong mundo. Bawat araw na dumadaan ay nararamdaman ko ang paglaki ng tiyan ko at lumalaki talaga ito ng mabilisan. Kaya alam ko sa araw na ito ay manganganak na ako. Nararamdaman ko na.
Sa laki ng tiyan ko ngayon, alam kong kabuwanan ko na.
Humihilab ang tiyan ko na hindi ko maipaliwanag. Napakasakit. Parang pilit nilalabas ang lamang loob ko. Ganoon ang pakiramdam ko.
"Ahhh! Azul!" ang matinis na sigaw ko ang pumuna sa loob ng Octagon.
Ilang sandali pa'y nagmamadaling tumakbo palapit sa akin si Azul at sila Jordan.
Maagap na hinawakan ni Jordan ang palad ko. "Isla!"
"Diyos ko po, Azul! Manganganak na ang asawa
