AZUL
Pagkatapos kong umihi ay relax na nagflush ako. Pagtalikod ko ay may nabangga akong matigas na katawan. Pag-angat ko ng tingin ay nakita ko si Jerry at Ralph na nasa harapan ko. Nakangisi.
"Hi Azul, kamusta ang pagiging first time dad?" nakakalokong tanong ni Jerry sa akin.
Kinabahan ako. Alam kong may hindi magandang nangyayari sa labas. Iniwan ko si Isla at ang anak namin. Sa hilatsa nitong si Jerry, alam kong may kademonyohan itong balak gawin ngayon. Nakuyom ko ang kamao ko sa ngitngit.
"Anong kailangan niyo sa akin?"
"Ohh... what makes you think na may kailangan kami sayo, Azul? Masyado ka naman."
"Anong ginagawa niyo rito ng ganitong oras?"
Nagkatinginan si Jerry at Ralph at sabay na natawa. "Bakit? Bawal na bang umihi ng ganitong oras? Pagmamay-ari mo ba 'tong banyo, hu
