AZUL
Nagising na ako sa katotohanan. Hindi ko dapat hinayaan na mapabayaan ang anak ko. Hindi ko dapat sinasayang ang buhay na ibinigay sa akin ni Isla. Hindi ko dapat binalewala ang lahat ng sakripisyo ng mga kaibigan ko. Kailangan kong harapin ang buhay ko. Kasama si Asia.
Pero may gusto akong gawin. Pakiramdam ko hindi ako makakausad sa buhay hanggat hindi ko nagagawa ang gusto kong gawin.
Gusto kong mahanap kung sinuman ang gumawa ng laro na 'yon. Natitiyak kong may tao sa likod nito. At aalamin ko 'yon. Hindi ako titigil hangga't hindi ko nahahanap kung sino ang gumawa nito. At titiyakin kong pagbabayaran nito ang lahat ng ginawa.
Doon lamang ako makakamove-on. Doon lang uusad ang buhay ko.
Pero paano ko hahanapin? Saan? Ni hindi ko nga alam kung sino ang gumawa ng larong ito.
