"Monique?"
"Yes, Ate Yna?"
"Pauwi ka na ba? Kanina pa ako tumatawag sa iyo pero ngayon mo lang sinagot."
Iniwan niya kasi ang cellphone niya sa office niya para makapag-concentrate siya sa ginagawa niya.
Kapag hawak niya kasi iyon ay maya't maya siyang tinatawagan ni Ivan na akala mo bago lang silang magkasintahan.
"Busy kasi ako kanina dahil sa sobrang dami ng tao, Ate. Bakit mo nga pala tinatanong kung pauwi na ako? May problema ba, Ate?"
"Daanan mo raw si Kuya sa opisina niya dahil hindi niya kayang magmaneho pauwi. Gusto ko nga sana siyang sunduin kaya lang binabantayan ko 'tong mga anak niyo, eh. Pagsabihan mo nga 'yang mapapangasawa mo na 'wag masyadong magpuyat. Siraulo kasi, eh."
"Sige po, Ate. Dadaanan ko po siya ngayon. Kumusta nga po pala 'yong tatlong bata? Ano pong g
