TATLONG ARAW NA silang nagbabahay-bahay magpipinsan. Lahat ay pinagtanungan nila at nagbabakasakali na baka may nakakakilala kay Franco. Ngunit palaging bigo silang umuuwi sa mansyon.
"Thank you po," aniya kay Manang Isa na siyang naglagay ng mga basong may juice sa lamesita. Dinampot niya ang isa saka uminom roon. Kaagad na gumapang ang malamig at matamis na lasa noon sa kaniyang lalamunan.
Ngumiti lang si Manang Isa sa kaniya saka naglakad at iniwan sila sala.
"Wala na yata talagang pag-asa," ani Elijah habang nakasadal ang ulo sa pader. Nakaupo ito sa mahabang sofa habang nakapikit ang mga mata.
"Kaya nga, Charlotte. Tingin ko ay wala na tayong magagawa pa sa lagay ni Franco." Si Olivia ang nagsalita. Malungkot itong lumingon sa kaniya at sa lalaking multo. Bakas sa mga mukha nila a
