PAPASOK NA SI Charlotte ng mansyon at sa back door siya dumaan sa may kusina. Mas mapapabilis kasi siyang makakapasok sa loob ng mansyon. Malapit na siya sa sala nang biglang sumulpot si Manang Isa sa harap niya
Napahawak pa si Charlotte sa sariling dibdib dahil sa labis na gulat. "Manang! Ginulat naman po ninyo ako!"
Ngumiti ito sa kaniya.
Si Manang Isa ang kasambahay dito sa ancetral house nila. Tingin niya ay nasa edad sisenta anyos na ito. Bata pa lang yata ang kaniyang daddy ay naninilbihan na ito rito.
"Mag-isa ka yata, Charlotte. Saan ka ba galing?"
"P-po?" Hindi agad siya nakahanap ng isasagot sa matanda. Lumingon pa muna siya sa likod niya at nang makita roon si Franco na seryosong nakatingin dito ay bahagyang kumunot ang kaniyang noo.
"Nagugutom ka ba? Ipaghahanda kita ng
