HINDI MAPIGILAN NI Charlotte ang pagragasa ng mga luha habang nakaupo siya sa kama. Hindi niya malaman kung ano ang dapat na gawin ngayon. Gusto niya kausapin ang kaniyang daddy tungkol kay Franco. Baka kasi makatulong ito at paniguradong mas mapapadali ang pag-reincarnate ni Franco.
"Charlotte?" Tumagos si Franco sa pinto at lumapit sa kaniya. "Bakit ka umiiyak?" Bakas sa mukha nito ang pag-aalala.
Tiningnan lang niya ito saka siya muling napaiyak. Gustuhin man niyang sabihin dito ang nalaman ay hindi niya magawa dahil natatakot siya. Natatakot siya na baka masaktan ito sa mga masasabi ng daddy niya.
Pinunasan niya ang luha saka pinilit na ngumiti rito. "W-wala. Nanaginip lang ako ng masama." Inayos niya ang sarili. Nakaramdam siya ng hiya dahil baka mukha siyang bruha. Gamit ang mga
