TAHIMIK LANG si Amelia habang pauwi sila ni Charlotte habang ang huli naman ay panay ang pangungulit sa kaniya. Napapailing na lang siya dahil kahit naman sabihin niya rito angy wala rin naman silang magagawa.
"Bakit kasi ayaw mong sabihin? Nakakainis ka na, Amelia. Naglilihim ka sa akin!" anito.
Nagsalubong ang kaniyang mga kilay. "Ako ang naglilihim sa iyo?" Hindi siya makapaniwalang natawa ng peke. "Wala akong nililihim sa iyo, Charlotte. Nakalimutan mo lang at kahit na gustuhin ko mang sabihin sa iyo ang lahat, hindi pwede kasi wala rin namang sense."
"Bakit hindi mo subukan? Tell me, Amelia."
Umiling siyang muli. "Huwag na. Baka makasama pa sa iyo." Hinawi niya ang buhok na mahaba saka tumingin sa kalsada.
Nag-aabang sila ngayon ng tricycle sa labasan. Nakahalukipkip ang mga bras
