Isang taon ang lumipas. At hindi naging madali ang buhay para kay Al at kay Alicia. Naging mabilis ang paglala ng sakit ng dating sikat na mang-aawit na ngayon ay tila wala ng nakakaalala. Hindi na kagaya noon na madalas siyang laman ng mga balita. Wala na ding nakakakilala sa kanya dahil hindi na siya makilala. Kasabay kasi nang pagkawala ng kanyang mga ala-ala ay ang mabilis pagbagsak ng kanyang kalusugan. Kadalasan siyang umiiyak at nagsisisigaw nang walang nakakaalam kung ano ang dahilan. Madalas din na inaaway at sinisigawan niya sila Al tuwing inaasikaso siya. Hindi na rin siya kumakain o kung kumain man siya ay kakaunti na lang. May mga araw din na hindi siya nakakabangon sa higaan dahil nanghina na ng tuluyan ang kanyang mga binti. Minabuti na din nilang ibukod ng kwarto ang may sa
