Katatapos lang ni Al magluto ng agahan at hinihintay niya si Alicia na naghahanda para sa pagpunta nila sa Lucena. Noong una ay tutol si Alicia sa pagpunta sa doktor dahil sa pangamba na baka makilala sila ng mga tao. Bukod doon, natatakot din siya na malaman na patuloy na lumalala ang sakit niya. Pero matapos ang masinsinang usapan ay nakumbinsi pa rin siya ni Al.
Habang nakaupo at naghihintay ay nakarinig si Al ng tunog mula sa labas ng bahay. Tunog ng mga sasakyan. Mabilis siyang tumakbo papunta sa pinto pero tumigil nang maisip na baka mga humahanap kay Alicia ang nasa labas. Sumilip si Al sa may bintana at nakita niya ang isang itim na SUV at truck na may lamang mga manok at biik. At ilang sandali pa ay bumaba mula sasakyan ang isang pamilyar na lalaki- si Mang Jerry.
Mabilis na bi
