Natulog lang ako maghapon at gumising lang kapag nagugutom. Pakiramdam ko nga ay tumataba na ako sa bawat araw na lumilipas dahil sa ginagawa kong pagtambay lang at pagkain. Nanonood lang rin ako ng kung ano kapag hindi inaantok.
Si Vaughn naman ay may kung anong ginagawa sa laptop niya. Madalas rin siyang may kausap sa telepono, at seryoso at madilim ang mukha habang nagsasalita. Hindi ko naririnig dahil nasa balcony siya. Nakaka-curious pero baka tungkol lang rin sa trabaho niya kaya hindi nalang ako nakialam.
It's almost 6pm in the evening. Nagrequest ako ng sarsyadong tilapia sa kasambahay dahil may nakita ako sa YouTube na nagluluto no'n. Natatakam ako kaya 'yon ang pinaluto ko. Hindi ko na pinagluto si Vaughn dahil masyado siyang busy para magluto pa.
"Okay, just update me about i
