الفصل التاني

2630 Words

( قررت تهاني تعمل نفسها عيانه عشان متبهدلش جوزها ) تهاني . بقولك ايه يا حبيبي انا تعبانه و مش رايحه مكان حاسه ان الزعزوه وجعاني اوي يا هاني و خايفه لو خرجت الموضوع يزيد معايا اوي هاني . ليه بس يا حبيبتي ده انتي كنتي هتتبسطي اوي و متقلقيش يا روحي في كريم معايا سحري بيشيل الوجع في خمس دقايق يلا بقا بلاش دلع و سهوكه تهاني . يووووه هو فيه ايه بقا ايه الإصرار الغريب ده ما انا قولتلك تعبانه يا هاني الله يلا اطلع بره و اسبقني و انا هروح احضر لنا الفطار هاني . لا يا روحي لازم نخرج انا حجزت التذاكر خلاص تهاني . ماشي يا روحي عشان خاطر عيونك بقا هروح ( بعد ما تهاني و جوزها خلصوا الاكل لبسوا عشان يروحوا الدريم بارك و نزلوا و ركبوا العربيه و أول ما وصلوا عند الدريم بارك تهاني كانت فرحانه جدا و مستعده للمعركه ) تهاني . يلا يا روحي يلا نركب الصاروخ هاني . ايه يا روحي صاروخ ايه اللي اركبه ما انتي عارفه اني بخاف من الحاجات ديه تهاني . لا سيب لي نفسك خالص يا راجل ده انا هدلعك آخر دلع والله ( راحت عند لعبه الصاروخ و طلبت من الراجل اللي واقف علي اللعبه يخليها اسرع حاجه و ركبت هاني جوزها و بعدين نزلت والراجل قفل عليه ) هاني . استني يا عم متطلعش استني يا تهاني رايحه فين الله يخرب بيتك يا شيخه علي بيتك يا احمد تهاني . اجمد يا راجل انا رايحه اركب الزوحليقه ( مشيت تهاني و راحت تتف*ج علي هاني من بعيد و واقفه تصوره فيديو و تضحك و فضل هاني يصرخ و هي تضحك بعد ما نزل من لعبه الصاروخ فضل يرجع و هي بتضحك و راحت له ) تهاني . يلا يا روحي نروح نلعب لعبه تانيه اليوم لسه طويل هاني . لا تانيه و لا تالته منك لله يا مفتريه انا مروح ( فضلت تهاني تضحك و روحت علي البيت و كانت شمتانه في جوزها و دخلت تعمل حاجات في المطبخ و لما طلعت سمعت جوزها بيتكلم مع حد هاني . ايوه يا استاذ أحمد اهدي بس انت اللي غلطان ازاي تشتم تهاني ده انت قلبك جاحد يا راجل معملتش حساب ليها خالص انت مجنون تهاني . جوزي حبيبي اللي دايما في ضهري و ساندني اتراهنت عليه مع اصحابي و انا اللي **بت الله عليكي يا توتو يا جامده راجل مفيش منه اتنين هاني . و الله انا عارف عارف انها تستاهل مش بس تتشتم لا تستاهل تتعلق في العلم بتاع المدرسه بس مش ادام الناس يا ابني هو انت مستغني عن روحك ديه كان عندها استعداد تعملك برجر بالفراخ و تاكلك و تغمز باللي خلفوك ديه ست مفتريه و قادره و قويه انت مش متخيل عملت فيا ايه النهارده منها لله القادره تهاني . يا لهووووي الحقوني يا ناس جوزي بيسخن الناس عليا نهار ابوك مدوحس يا هاني نهارك مش طالع له شمس و لا قمر يا ابن اللذينا ده اللي يسمعك يا راجل يقول بتقوله علي مواقيت الصلاه انت اتجننت يا هاني انت بتشرح للراجل امتي يشتم مراتك و كمان عايزه يعلقني في العلم ده انا هعلقك انت و هو و اللي خلفوكم يا عالم معندهاش دم هاني . لا انتي فهمتي الموضوع غلط خالي انا كنت بقوله انا انا يا حبيبتي كنت بشرح له اللهم صلي على النبي كنت بقوله تهاني . فاهمه غلط انا اللي هعرفك الصح و لا متقولش يا روحي هقولك انا مش بتقول عليا مفتريه يا هاني الكلب انا هوريك بقا لما تفكر تهوب ناحيتي ايه اللي هيجري لك ادامي ع المطبخ يا هاني يا سبع البرومبه هاني . اروح المطبخ اعمل ايه انتي نويتي تدبحيني و لا ايه يا تهاني اعقلي امال انا اسف سامحيني ارجوكي المره ديه خلاص توبه تهاني . لا يا روحي اقتلك ايه هو انا ع**طه و مغفله انا ادامي مستقبل باهر اكيد مش هضيعه عليك انت اللي زيك nothing ميتعملوش حساب يا ضنايا عموما يا روحي الاكل بكره عليك تحمر و تشمر تقمع و تقور تشوي و تصبع هاني . ده انت وليه مجنونه صحيح ، اشوي ايه و اصبع مين انا رايح علي بيت امي و سايبها لك مخضره يا اختي صبعي بقا اللي انتي عايزاه و سابها مشي و فضلت مدايقه جدا تهاني . الحمد لله اهو غار علي امه اقعد في البيت براحتي اتف*ج علي التلفزيون بلا ارف و هم ( سهرت تهاني و اتف*جت علي فيلم سفاح النساء و كانت خايفه قفلت التلفزيون و جريت علي الاوضه عشان تنام ) و تاني يوم راحت المدرسه و كان عندها الحصه الاولي فاضيه و كان فيه فصل عندهم تربيه رياضيه في الملعب و كانت قاعده بتتف*ج عليهم و فرحانه تهاني . الله حقيقي الاطفال احباب الله ده ده انا اجيب عيال و انا مطمنه بقا و فجاه سمعت بنت و ولد بيتكلموا و الحوار خلاها تتنح الولد . و بعدين معاكي بقا ديه آخر مره اقولك الموضوع ده بسنت . يووووه بقا هو كل شويه أوامر أوامر يا يحيي انا زهقت بقا يحيي . انا مبحبش اللي يعترض علي كلامي و البنت الشاطره هي اللي تقول حاضر و نعم و يا ستي كلامي يتنفذ زي ما بقولك كده الواد مصطفي ده اوعي تتكلمي معاه تاني قولتلك مليون مره انا بغير عليكي يا بسنت بسنت . الله علي كلامك الحلو يا حبيبي حاضر يا يحيوحي و دخلت ميس تهاني احييييه يحيوحي وبغير عليكي يا بسنت ده انتوا ليلتكم مقندله و فضيحتكم مجلجله الحقوني يا ناس.الحقيني يا حضره المديره المدرسه بقت شارع الحب يا اختي جريت المديره بسرعه من قبل ما تهاني تعمل فضيحه في المدرسه المديره . خير يا تهاني فيه ايه حرام عليكي انا تعبت تهاني . خير هيجي منين الخير يا حضره المديره فيه يحيوحي و البت بسنت فاكرين نفسهم عمرو دياب و دينا الشربيني ده ناقص يألف لها اغنيه و لا يقولها زي تامر حسني بغير عليكي لما تسلمي علي الناس احيه يا حضره المديره و اتكلمت بسنت . فيه ايه بقا و بعدين حصل يا ميس تهاني و ارجوكي متستهريش بمشاعرنا انا و يحيوحي تهاني . احيه ديه مش مدرسه ديه و اتكلمت المديره . كفايه بقا يا ميس تهاني يلا يا ولاد كل واحد يطلع علي فصله تهاني . لا فصل مين و الناس نايمين مفيش طلوع عليا الطلاق من جوزي هاني ما هسكت غير لما اسمع الاغنيه اللي الفها وانزل لي يا واد يا يحيوحي بالطبله و بدات بسنت تغني انا بوسبوس هتخس في حبي النص تمشي و عينك بتبص و قلبك هيشوف البدع اجدع منك اهو نخ انا سهل اعملك فخ وانزل فيك طخ الخ الخ استحمل لو جدع انا بوسبوس هتخس في حبي النص تمشي وعينك بتبص وقلبك هيشوف البدع اجدع منك اهو نخ انا سهل اعملك فخ وانزل فيك طخ الخ الخ استحمل لو جدع ميس تهاني . الله عليكم ديه المدرسه ديه هيطلع منها أجيال موهوبه من هنا للساحل علي طول مستر أحمد . عندك حق يا ميس تهاني ديه اسمها قله الادب انا مش مع المهزله اللي بتحصل ديه تهاني . طبعا يا استاذ أحمد ضربوا التربيه و التعليم في مقتل انا اللي حارق دمي و قاهرني ان العيال محدش فيهم محترم كل واحد سارح بدماغ واحده و مفهمها انه شاعر المدير . هو ده اللي فارق معاكي يا تهاني انتي عايزه تجننيني تهاني . بعيد الشر عنك يا حضره المديره بش انتي عرفاني طبعا كله الا السرقه الاغنيه دبه بتاعه الواد الحلو المقبلظ ابو حفيظه جتكم الهم عيال توجع القلب انا رايحه حصه الموسيقي عند مس رباب و علي الله اشوفك يا يحيوحي في وشي تاني انت و لا بسنت ( سابتهم مس تهاني و راحت فصل الموسيقي ) رباب . قيام يا عيال . جلوس . منوره يا ميس تهاني عامله ايه و اخبارك ايه تهاني . ده نورك يا رباب مدايقه يا اختي مدرسه عايزه الحرق كلها حبيبه تحس انهم جايين يحبوا مش يتعلموا و بعدين يا اختي انتي مالك يا رباب مطفيه كده ليه رباب . اااه يا مس تهاني علي وجع قلبي مش عايزه اصدعك بمشاكلي تهاني . يا بت انطقي انتي زي اختي الصغيره مالك رباب . ارفانه من العيشه كل يوم خناق و زهقت و اخرها اتخانقت مع جوزي قبل اما اجي تهاني . احيييه حد يعمل كده مع اكتر كائن لطيف علي وش الارض يا رباب. لا لا يا رباب كله الا جوزك لازم تراضيه و ميزعلش منك ابدا يا بت اوعي تكوني بتقبلي يبات عند امه و يبعد عنك كده رباب . لا طبعا اهو في البيت احنا لما بنزعل كل واحد بيقعد في اوضه تهاني . لا حول ولا قوة الا بالله انتي هبله يا رباب ما يزعل يا اختي و لا يولع بجاز منكد عليكي نكدي علي امه و لتكوني صدقتي انه كائن لطيف لا يا اختي دول محتاجين يتعملوا حواوشي و يترموا في الفرن و بعدين يا اختي انتي مدرسه موسيقي يا اختي يعني حسك الفني يكون عالي لما يزعلك تنزلي تعزفي سيموفينه شباب علي دماغه و شريط شتايم علي نغمه قادره علي التحدي جتكم الارف زهقتوني في عيشتي انا طالعه الفصل دخلت ميس تهاني الفصل و اتفاجات ان فيه بوكيه ورد محطوط علي المكتب بتاعها و مسكت الكارت لقت مكتوب عليه كلام حلو و عشانك يا تهاني بقدم الأماني تهاني . مين التور اللي جايب الورد ده يا عيال الاطفال . عارفين يا ميس و فجاه دخل واحد عليهم السلام عليكم ورحمة الله وبركاته انا ولي أمر الطالبه بسنت تهاني . و عليكم السلام ورحمة الله وبركاته و هل يخفي القمر ابو النحنوحه و انت اللي جايب الورد ده ليه يا ابو غمازات انت ابو بسنت . جايب الورد عشان اراضيك يا جميله الجميلات و فاتنه الفاتنات تهاني . والله يا استاذ شكلك لطيف و كلامك ظريف و دمك خفيف بس جاي متأخر اصلي مرتبطه ما انت عارف اللي زيي مش بيقعد كانوا بيجولي بال ٥ و اقولهم مش عايزه دول لغايه ما وقعت في قعر القفه قصدي لبست في جوزي ابو بسنت . انتي فهمتي الموضوع غلط يا تهاني انا كنت عايزك بس تدي درس لبنتي في البيت عشان مش مستوعبه كويس في المدرسه و منها نلم الدور تهاني . يا لهوووي الحقوني يا ناس رشوه بترشيني يا ابو بسنت طعنتني بخنجر في قلبي يا ابو المنحنحه اشهدوا يا ناس في فصلي و قدام ضميري المهني بيرشيني ابو بسبوسه و جريت المديره علي صوت صويت تهاني و اتلم عليهم باقي المدرسين المديره . فيه ايه يا تهاني هو انا مش ورايا غيرك يا بنتي تهاني . الحقيني يا حضره المديره الاب المحترم جاي يقدم لي رشوه و ورد وعايز يعزمني علي قهوه بره في حته بعيده بيرشيني و بيتحرش بيا ابو بسنت ايه انتي بتقولي ايه يا ست انتي انتي مجنونه لالالا محصلش والله المديره . طيب حضرتك جاي تعمل ايه و الورد ده ايه لو سمحت اطلع بره بنتك مرفوده وانتي يا ميس تهاني روحي كفايه وجع دماغ نزلت ميس تهاني و اتصلت بجوزها تهاني . ازيك يا هاني امك عامله ايه هاني . عامله كشري يا اختي تهاني . بسالك علي صحتها يا بغل مش ع الاكل عموما انا رايحه عند جارتنا اعتماد عشان تعبانه و اروح الاقيك في البيت ماشي سلام أم هاني . ايه بتكلم مين يا ابني هاني . بكلم ممدوح ف*ج يا ماما امه . يووووه هو مش مات يا واد هاني . هو مات بس احفاده أحفاده عايشين يا امي و راحت تهاني لصاحبتها اعتماد تهاني . سلامتك يا اعتماد مالك يا بت اتكحولتي كده ليه ولا اللي عندها ٧٠ سنه اعتماد . صحتي ادمرت يا تهاني خلاص يا اختي عندي ٥٠ سنه تهاني . ٥٠ سنه لسه في عز شبابك قومي يا اختي شغلي التلفزيون و شوفي ليلي علوي و هي بترقص علي شاكيرا شاكيرا يمكن صحتك ترجع لك اعتماد . بجد ديه كبيره اوي تهاني . الشباب شباب القلب عامله اكل ايه قولي لي اعتماد . عامله بتنجان وبيض تهاني . ما طبعا لازم ترقدي بالهنا و الشفا انا مروحه هطمن عليكي يا اختي بعدين سلام ( روحت تهاني و لقت هاني في البيت بيتف*ج ع التليفزيون و بياكول فشار ) تهاني . ايه يا راجل مفيش حمد لله على السلامة وحشتيني . البيت ضلمه من غيرك هاني . طب بذمتك شايفه البيت ضلمه تهاني . شايفه راجل معندهوش دم انا هعمل قهوتي و اقعد في المكتب اصحصح الواجب للعيال دخلت تهاني و بدأت تصحيح الكراسات و كانت بتكلم نفسها ( انا مضيعه عمري في المدرسه مع شويه متخلفين ده لا تربيه و لا تعليم قال بغير عليكي يا بسنت ده انا لو هاني شاف حد بيعا**ني هيمشي الناحيه التانيه عشان ميضربش لو فتح بوقه ) و هنا دخل عليها هاني بقولك ايه يا تهاني ملقيش عندنا جل موف اصل ضهري واجعني اوي تهاني . طب موف بقا من ادامي بدل ما اخلي وشك زي ضهرك يلا بلا ارف و هي بتصحح الكراسات راحت في النوم و حلمت حلم ب ابو بسنت و قاعدين في جنينه تهاني . مقولتليش يا ابو بسبوسه اسمك ايه ابو بسنت . اسمي ممدوح تهاني . الله عليك حتي اسمك رومانسي جدا ولع لي سجاره يا ممدوح ممدوح . ما انتي حلوه اهوه يا تهاني بقولك ايه ما تيجي يا حلويات نزرع البنات تهاني هوب ضربته علي افاه عشانك ممدوح هطلع السطوح و فجاه اتخضيت استغفر الله العظيم يا رب اه يا ابن المبقعه جاي لي في الحلم و فجاه رن التيلفون تهاني . الووووو مين معايا الراجل . انا ابو بسنت بعتذر لو خدت رقمك بدون علمك تهاني . اه ابو المنحنحه عايزه ايه يا اخويا الراجل . بعتذر بالنيابه عن بسنت و بعتذر لو الورد معجبكيش هختار لك احلي المره الجايه تهاني . بقولك ايه يا منحنح انت فاكر لما تجيب لي ورد هتبهرني لو عايز تبهر واحده ست يا اخويا هات لها طبق مشاوي مشكل طبق كوارع طاجن عكاوي سندوتشات سمين مش ورد الراجل . انتي بتتكلمي بجد انا فاكر ان ديه اكتر حاجه تبهر الست تهاني . عشان مبتفكرش يا اخويا اللي خدت الورد دلوقتي حاطينه علي قبرها و اللي خدت المشاوي ضربته في كرشها و مزادش وزنها و **بت نفسها خلاص يا بابا كل ده انتهي في زمن الكورونا الموازين اتغيرت رجاله تجيب الهم يلا بالسلامه و بنتك مرفوده متجيش تاني و دخلت تنام و تاني يوم نزلت من البيت و مستنيا تا**ي يوصلها و كان في شاب روش معدي الراجل . يا حبيبي تعالي يا حبيبي تعالي تهاني . لا ديه التناحه شكلها فيروس منتشر اتكل علي الله يا حبيبي لا اضيع مستقبلك الولد . مقدرش علي بعد حبيبي تهاني . هو نهار مدوحس ببلاك اسود امشي يا بابا بدل ما اعمل معاك الكلازونا و لو مش عارف يعني ايه اقولك انا يعني الجلاشه الولد . حابب اتعرف اصلي غاوي وزن تقيل تهاني . تصدق يا واد عجبتني تعالي اقولك و مره واحده خدت الواد حطته في الأرض و قعدت فوقه و الولد كان بيصرخ الولد . انا اسف انا اسف هموت حرام عليكي تهاني . ياكش تغور في داهيه و وصل التا**ي قامت و ركبت وجالها تليفون ايوه يا رباب عملتي ايه ضربتيه بالشبشب برافو عليكى ايه بتقولي ايه اتطلقتي ما انتي متسرعه برضه يا رباب مكنتيش ضربتي جامد نتقابل في المدرسه سلام وصلت تهاني المدرسه و كان الطابور شغال و استاذ احمد مش موجود . راحت تدور عليه و لقته في غرفه المدرسين بيتكلم في التيلفون مستر أحمد . ايوه يا حبيبتي لا قولت لمراتي اني عندي دروس بعد المدرسه ممكن نتقابل انا عازمك ع الغدا ماشي يا روحي سلام ( و بيلف اتفزع لما شاف تهاني في وشه ) أحمد . مس تهاني تهاني . انا قولت المدرسه ديه مفهاش حد محترم . أحمد . انتي واقفه من امتي تهاني . من أول الدروس الخصوصيه يا عنيه أحمد . انتي ناويه علي ايه تهاني . و لا حاجه عايزه شاي بالياسمين يا عنيه احمد . يعني ايه مش فاهم تهاني . يعني اديني عشان تعديني بدل ما اقولها و تروح تسلخ جلدها ماشي يا رومانسي و انا اقول العيال طالعين كده لمين اتاري الحصص بتاعتك بتدرس فيها غراميات و اه متنساش تبعت لي فطار انا طالعه طلعت ميس تهاني الفصل إزيكم يا حلوين حفظتوا نشيد قطتي الاطفال . طبعا يا مس تهاني . طيب حلو اوي عايزاكم يا ولاد كل واحد يرسم لي حاجه بيحبها عايزين نقرب من بعض اكتر و بعد ربع ساعه هنتنناقش في الرسومات ( و بعد ربع ساعه لمت ميس تهاني الورق و اتصدمت من اللي شافته يا تري شافت ايه ده اللي هنعرفه الجزء التالت )

Free reading for new users

Scan code to download app

App Store Google Play

Facebookexpand_more