مستر هاني ومراته تهاني

الفصل الثالث

بصت ميس تهاني في الورق لقت واحد راسم واحده بالمايوه و كاتب علي الورقه الله عليكي بسبوسه بالمانجه منقطه

تهاني . الله الله الله ايه ده يا واد يا عبدالله انت مرتبط ب ملكه جمال لبنان و لا ايه يا واد

عبد الله . لالا يا ميس انتي فاهمه غلط ديه مش ملكه جمال لبنان ديه ديه ديه السكرتيره بتاعه بابا يا ميس

ميس تهاني . الله يا عبدالله و لما هي سكرتيره بابا شوفتها فين يا ابني قبل كده بالمايوه انطق يا واد بدل ما ارفدك من المدرسه

عبدالله . لا ارجوكي يا ميس انا هقولك كل حاجه انا الصراحه شوفتها كتير اوي يا ميس عشان كانت بتيجي عندنا في البيت و ماما في الشغل تعمل ل بابا الشغل يا ميس بس اوعي تفهمي الموضوع غلط ديه ست طيبه جدا

ميس تهاني . لا طبعا يا روحي هو فيه حاجه هتتفهم غلط كل الموضوع ان بابا مزاجه عالي جدا الله عليه يا سيدي سكرتيره بابا عندكم في البيت اه طبعا كانت بتصلح لكم البانيو الست شقيانه و كمان هنتكلم عليها طيب يرضي مين ده اقعد يا واد يا عبدالله و عندك استدعاء ولي أمر

عبدالله . ليه يا ميس انا معملتش حاجه مش حضرتك اللي قولتي نرسم

ميس تهاني . لا يا حبيبي متخافش استدعاء ولي الأمر ده عشان اشوف ابوك و اعرف ازاي اقنع البنت الحلوه ديه تيجي البيت

و انتي يا بت مروه مين الشاب القمر ده انتي من عرق تركي يا بت اصل الجمال الفشيخ ده مش مصري اكيد و العينه عندي متلقحه في البيت

مروه . لا مش عرق تركي يا ميس ده عرق مصري أصيل القمر ده خالو يا ميس

تهاني . يا جمالك و حركاتك يا مصر حقيقي ناس ليها الجمال و الحلويات و بتاكول سكر بنات و ناس ليها الحمير اللي بتاكول برسيم لا الراجل لسه برونقه بيبرق كده و نضيف يبقي مش متجوز صح يا بت

مروه . لا يا ميس مش متجوز و مش عايز يتجوز خالص عنده عقده من البنات و بيقول عليهم وحشين خالص و بيقول عليهم صراصير البلاعات و ستات ماديات مش وراهم حاجه غير صرف الفلوس و اكل المحاشي و الحلويات

تهاني . لا يا بت يا مروه انا بغير فكره اي راجل يا بت علي الجواز المشكله بس اني عرفته متأخر اقولك يا بت احجزي لي الواد مهند ده عبال ما اتطلق من جوزي هاني و هو ال**بان صدقيني الجمال المصري اللي زيي صعب تلاقيه في اي مكان يا بت

مروه . حاضر يا ميس هقوله والله

و انت يا نور مين الست الوحشه ديه اللي شبه الكاتعه ايه يا واد ديه امك و لا ايه اصل اكيد مش السكرتيره احنا خلاص حفظنا شكلهم بيكون ازاي يا واد

نور . لا يا ميس بابا مش عنده سكرتيره و ماما حلوه و زي القمر الكاتعه ديه بتكون حضرتك يا ميس

تهاني . يا لهوووووي بتقولها في وشي يا واد نهار ابوك مدوحس مش بس ابوك ، ده ابوك و اللي خلفو ابوك يا نور ده انا هخليك تمسك السلك عريان ده انا هخليك تقف راسك تحت ورجلك فوق بقي انا شبه الست ديه يا واد بقي انا تهاني ملكه الحركات اللي بتغير مني كل الستات و البنات تشبهني بالحيوانات

نور . لا يا ميس طبعا انا اسف يا ميس سامحيني يا ميس اوعي تاكليني يا ميس

تهاني . خلاص يا واد يا نور لقد عفونا عنك بكره تجيب لي فطار سندوتشات فول و طعميه و مشكل من عند عمك بيظا و قول له يتوصي بالمخلل و الليمون المعصفر و تحاسب لانه لو مشيت و قالي الحساب هرجع ابلعك فاهم يا واد

نور . حاضر يا ميس مش هدبسك في الفلوس

ميس تهاني . شاطر يا واد

خلصت تهاني الحصه بتاعتها و روحت ع البيت علي طول عشان كانت تعبانه و قبل ما تدخل الاوضه سمعت جوزها بيتكلم في التليفون و كانت مستغربه جدا من الحوار اللي سمعته

هاني . ايوه ايوه زي ما بقولك عيد ميلادها قرب لازم نجمع اصحابها و نفرحها انت مش متخيل اليوم ده مهم بالنسبه لي ازاي علي رأي عبدو الحليم حافظ ده القلب يحب مره ميحبش مرتين ايوه يا سيدي و شوكولاتات و حركات

تهاني . يا سيدي ع الحركات هو من مصنفات الح*****ت و بياكول برسيم بس فيه حته مخ اهوه و حساس اما الحق اكلم البت مروه تلغي موضوع خالها ده مع انه فرصه ذهبيه يلا النصيب بقا

هاني . ايوه يا سيدي ظبط الهديه كده و لفه شيك من اللي قلبك يحبها بسنت هتفرح اوي لما اجيب لها هديه الفستان ده مع الشوكولاته كده شغل فاخر من الاخر هتطير من الفرحه

( زقت تهاني الباب و دخلت و عينها بتطق شرار و هاني رمي التليفون من ايده أول ما شافها و جري وقف فوق السرير )

تهاني . يا لهووووووي يا خبيتك يا تهاني يا نصيبك المقندل يا تهاني انت بتخوني يا هاني و مع مين بسبوسه نهارك منيل زي وشك يا ابن فتحيه الفكهانيه . بتحضر لعيد ميلادها يا ابن المبقعه طب اتصل بيها دلوقتي و قولها تحضر لدفنتك يا منيل و العزاء بكره الصبح يا هاني و مش هعملك فرشه و لا هخلي حد يجي يقرا لك قران

هاني . انتي فاهمه غلط يا حبيبتي بسنت ديه ديه ديه

تهاني . فاهمه غلط اشحال سمعتك بوداني ، ديه واحده بتعطف عليها ما انا عارفه قلبك الكبير اشحال يا راجل اقرع و بكرش امال لو كنت حلو شويه كنت عملت ايه كنت جرتني وراك في انصاص الليالي يلا اطلع بره البيت مش عايزه اشوف خلقتك يا خاين يا واطي يا بتاع بسبوسه

هاني . خاين ايه و زفت ايه يا بنتي اسمعيني بس بلاش فضايح عايزه تلمي الناس عليا عشان يفتكروا انك قفشتيني مع حد

تهاني . فضايح هو انت لسه شوفت فضايح اطلع بره يا هاني بدل ما اعملك كنافه بالقشطه و أقدمك في عيد ميلاد بسبوسه عشان تطفحك . اطلع بره بعد ما اعلمك قرص بالعجوه و اوزعها علي الكلاب

هاني . يا ساتر عليكي ست بومه انا ماشي و سايب لك البيت هروح عند امي بدل البهدله معاكي

مشي هاني و رزع الباب وراه و تهاني فضلت تعيط

تهاني . انا يتعمل فيا كده و الله لاوريك يا هاني

و حياتك لاعمل منك فته شوربه و ارميك للكلاب و حياتك يا هاني لا اهرسك انت و بسبوسه بتاعتك ديه عشان تفكر تخوني . يا حظك المنيل يا تهاني يا ميله بختك يا توتو

و نامت تهاني

وحلمت ب راجل وسيم جدا ماشي وراها بيعا**ها

راجل . بقي الجميل ماشي زعلان متحن و بلاش جنان القمر ماشي كده ليه ما ترد علينا يا بيه

تهاني . ايه تامر حسني بيعا**ني ما تبعد يا راجل انا مدايقه

راجل . اموت انا و اعيد السنه ما تردي عليا يا غزال اموت في الوزن التقيل امشي ع الهادي يا زبادي و اتشخلعي برنه خلخالك يا غزال يا غزال

تهاني . بقولك ايه سبني في حالي انا مش ناقصه وجع دماغ حل عني انا منهاره دلوقتي و مقدرش ادخل في علاقه تانيه لو جيت بعد بكره هفكر في الموضوع بس دلوقتي لا و بلاش تلح في الموضوع

راجل . القمر ده مينفعش يتساب لوحده كده و بعدين مش ضامن القمر يفضل مستني

تهاني . يوووه زهقت يا ربي من كتر العرسان اللي بتيجي لي عموما لو مصمم روح اطلبني من بابا خد الرقم اهوه

و بتلف لقت راجل زي القمر

و الراجل اتخض منها و فضل يصرخ انا ماشي مش عايز مش عايز الحقوني يا ناس الحقوني

تهاني . احيييه بالكدكديه ليلتك مش معديه انت فاكر دخول الحمام زي خروجه لا والنبي لتتجوزني اتجوزني يا واد يلا بينا ع المأذون

طلع يجري الحقوني و تهاني بتجري وراه

( الحقوني يا ناس الغوريلا فكت الحقوني يا ناس الحقوني )

قامت من النوم تهاني مفزوعه و كانت مدايقه جدا و وقفت ادام المرايا فضلت تكلم نفسها

انا تهاني الملقبه ب انجلينا جولي العرب اتخان ، انا في الحلم يتقال عليا غوريلا ماشي يا بني ادمين

قررت تهاني انها تنسي اللي حصل و فضلت سهرانه لتاني يوم و راحت المدرسه و كان الطلاب بيقولوا الاذاعه المدرسيه فقره هل تعلم

هل تعلم أن الراجل اكتر كائن حساس في العالم

و جريت تهاني

تهاني . سكووووت الله يخرب بيتك يا نهي علي بيت هل تعلم نفسي اعرف يا بت مين اللي بيد*كي المعلومات بنت الكدابه ديه انطقي يا بت و الا هرفدك من المدرسه

مين يا بت قالك ان الراجل بيحس اصلا ده تلاقي ابوكي الصبح مدي امك بالشبشب و منكد عليها و سابها وراح شغله و طفح فطاره عادي

نهي . لا يا ميس محصلش هو شتمها بس

تهاني . اه يا ولاد المجانين . البت نهي ديه متقولش غير فقره القران يمكن تتوب عن الكذب بتاع كل يوم جتكم الارف

راحت ميس تهاني مكتب المديره و كانت مدايقه جدا

المديره . مالك يا تهاني

ميس تهاني . عايزه اعمل حفله في المدرسه بمناسبه طلاقي من جوزي

المديره . يا لهوي حفله طلاق هو انتي كمان اتطلقتي

تهاني . لا بس هتطلق ابن المبقعه بي**ني

المديره . اطلعي يا تهاني فصلك و اهدي

طلعت تهاني الفصل و كانت قاعده مدايقه و اتصلت بشركه الأمن ايوه ٢ بودي جارد و ده العنوان

و اتصلت بجوزها ايوه روح علي البيت لازم نتكلم في الموضوع

هاني . كنت عارف يا حبيبتي انك هتديني فرصه اشرح لك الموضوع

تهاني . طبعا لازم اد*ك فرصه امال ايه

دخلت تهاني ب ٢ بودي جارد و كان هاني ماسك في ايده ورد وأول ما شافها اتصدم

هاني . مين دول يا تهاني

تهاني . دول اخواتي في الرضاعه .حنكش مجانس و جنش حركات . جايين

يعلموك الشقلبظات ادخلوا يا عيال

و دخلوا عليه ضرب و فضلت تتف*ج و تضحك و بعد شويه جت عربيه اسعاف و شالته

الدكتور . ايه يا مدام اللي حصل له ده مدغدغ مفيش فيه حته سليمه

تهاني .ده آخر السهر و الشرب يا دكتور ياما نصحته بس دايما الكاس مش بيفارق ايده يا كأس يا بانجو

مكنش بيسمع مني لغايه ما جت الناس ضربوه عشان مديون يا حبه عيني

هاني . انا يا دكتور عايز اقولك

تهاني . متخافش يا جوزي يا حبيبي هيستر عليك.

هاني . رايحه فين يا تهاني حرام عليكي

تهاني . رايحه اصلي و ادعي لك تتوب يا روح تهاني

مشيت تهاني و روحت علي صاحبتها اعتماد.

تهاني . ايه يا اعتماد كنتي عايزاني في موضوع

اعتماد . بصراحه م**وفه منك يا اختي

تهاني . يا بت متت**فيش احنا اخوات محتاجه فلوس

اعتماد . بصراحه انا عايزه فلوس فعلا

تهاني . و انا كمان عايزه فلوس شوفي حد ياختي يدينا جيران تجيبوا الفقر

اعتماد . طب استني عايزه اخد رايك في حاجه

تهاني . هااا يا اختي قولي

اعتماد . انا جاي لي عريس و خطفني من أول نظره و مش عارفه ارد اقوله ايه

تهاني . نهار ابوكي مدوحس . عريس مش معني اني قولتلك بصي ل ليلي علوي يبقي تفكري زيها و بعدين انتي يا اختي لو اتجوزتي هتبقي الخارجه قبل الدخله.

اعتماد . ليه كده بتحبطيني اقوله ايه ده علي نار مستني

تهاني . ادي له يا اختي رقم الصيانه لو معاه يدفع التكاليف يبقي علي خير الله

انا ماشيه يا عالم متخلفه

نزلت تهاني من عند اعتماد و وقفت في الشارع و جالها تليفون فرحها جدا . ايوه يا ميزو عرفت بسبوسه ديه تبقي مين

ميزو . ايوه يا ميس تهاني بس خايف اقولك الصراحه

تهاني . انطق يا واد انا مش نقصاك

ميزو . بسبوسه ديه تبقي ميس الفرنساوي

الجديدة

تهاني . احيه هاني بيشقط مدرسين يا لهوي الحقيني يا حضره المديره

جريت ميس تهاني علي المدرسه من قبل ما تمشي المديره

المديره . يا تهاني انا هتعالج مخ و اعصاب بسببك جايه جري ليه

تهاني . فين البسبوسه الجديده بتاعه الفرنساوي

المديره . انتي اتجننتي بسبوسه مين

و جري يحي عليهم

( لا لا بسبوسه ديه حبيبتي انا بس )

تهاني . غور يا يحيوحي بدل ما اهرس بسبوستك و ابلعها ميس الفرنساوي فين

و دخلت واحده زي القمر

تهاني . انتي جايه تشتغلي مدرسه و لا تشقطي أولياء أمور

ميس بسنت . انتي بتقولي ايه .انتي عارفه بتتكلمي مع مين

تهاني . بقولك يا فرنسيه . سيبي الموضوع عليا و بلاش تتذاكي لاعملها معاكي

بسنت . لالاا مش طبيعي اللي بسمعه . اخلاقي لا تسمح لي اني انزل لهذا المستوي المتدني من الحوار عن اذنكم . عن اذنك يا حضره المديره .

مشيت بسنت

و فضلت المديره تبص ل تهاني بمنتهي الغضب و مشيت المديره و فضلت تهاني لوحدها و جالها تليفون و اتخضت يا تري مين اللي اتصل ده اللي هنعرفه الحلقه الجايه