مستر هاني ومراته تهاني

الفصل الرابع

الوووم ايوه يا دكتور هاني جوزي نور عيني ماله اوعي تقولي مات يا دكتور ازعل اوي الصراحه ده انا مقدرش اعيش يوم من غيره ده سبعي ده جملي ههه

الدكتور . الله علي الحب الافلاطوني انتي جميله اوي يا مدام بس انا عايزك تهدي صحتك بالدنيا الزعل هيأثر علي شبابك و جمالك

ميس تهاني . ان شاء الله يخليك يا دكتور ملائكه الرحمه بصحيح طمني بقا ع الموكوس جوزي اقصد يعني جوزي حبيبي مات و لا لا

الدكتور . لا يا مدام بس حالته صعبه اوي اول مره اشوف حد كده حقيقي حالته صعبه خالص يا مدام و طول الليل بيهلوس ب اسمك و بيقول انا بحبك يا بسنت متسبنيش يا بسنت هعوضك يا روحي يا ريت تيجي تطمني عليه لو سمحتي يا مدام لاحسن انا حاسس ان من كتر ما بيهلوس بيكي هيقوم يدور عليكي بنفسه و لو قام فيه خطوره عليه

تهاني . يا لهوووووي الله يخربيتك يا دكتور علي بيت هاني انت بتقول ايه يا دكتور بيقول بحبك يا بسنت .ده انا هاجي انط في كرشه و اطلع عين اهله و اخلي اكبر حته فيه قد قرص الطعميه الله يخربيتكم رجاله من فصليه الح*****ت صحيح

الدكتور . اهدي يا مدام حصل ايه بس لكل ده حد يلاقي حد يحبه كده و يزعل ده انتي حقك تركبي اجنحه و تطيري ده الراجل في عز تعبه مش بينطق غير ب إسمك

تهاني . بس يا ابن المهفوفه فاكرني طياره يا اخويا وبعدين السنيوره اللي بيهلوس باسمها مش انا ديه عشيقته انا مش اسمي بسنت انا اسمي تهاني و اتحفظ علي الراجل ده اوعي يمشي بدل ما اسفلتك مكانه سلام يا دكتور

قفل الدكتور معاها و صعبان عليه هاني عشان باين انها هتعمل عامله سوده ف جوزها و قرر انه يحكي له

الدكتور . استاذ هاني انت صحيت فوقت يعني عايز احكي لك حاجه مهمه جدا

هاني . اه يا دكتور كان حته حلم حقك تقولي صباحيه مباركه المهم لو هتحكي لي حاجه تدايقني بلاش يا دكتور انا عامل دماغ جامده و مش عايزها تروح

الدكتور . صباحيه مباركه علي دماغك و دماغ اللي خلفوك ده انت هتتكدر دلوقتي بالدماغ اللي عملتها

هاني . ليه بس قله الادب ديه ع الصبح يا دكتور فصلتني حد يكلم حد كده

الدكتور . فصلت ايه مراتك تهاني جايه تفصل راسك عن جسمك لاقيتك بتخرف و تقول بسبوسه اتصلت اقولها تيجي جمبك عشان صعبت عليا اتاري بسبوسه ديه العشق يا حبيبي اشرب بقا يا اخويا يا بتاع الصباحيه

هاني . يا نهار اسود هي قفلت معاك بقالها اد ايه

الدكتور . زمانها في الطريق و مش ضمانها الصراحه يلا اجري يا مجدي

( قام هاني و لبس هدومه و خد تا**ي و مشي )

( و بعد ما قفلت تهاني مع الدكتور فضلت واقفه تكلم نفسها لا الموضوع ده ميتسكتش عليه وحياه امي يا هاني لأوريك النجوم في عز الضهر بتحلم بيها كمان يا ابن المبقعه حقيقي رجاله تحب تاكول من الزباله ) جريت تهاني و ركبت تا**ي و جري ع المستشفى و وصلت في وقت قياسي كإنها راكبه طياره و جريت علي اوضه هاني لقتها فاضيه و جوزها مش هناك

تهاني .فين المريض اللي كان هنا يا دكتور ايه ركب الاجنحه و طار

الدكتور . مش عارف اقولك ايه يا مدام تهاني بس هو هرب يا مدام الحقيقه انا بس مستغرب حد يهرب من الجمال ده حد يهرب من الدلال ده حد يهرب من الانوثه الجامده ديه

تهاني . يووووه انا بت**ف جدا يا دكتور تعرف و لا ايه عليا حلفان طول عمر الناس بتقولي اني احلي من ياسمين صبري و ياسمين عبدالعزيز بس انا اقولهم لا اصلي انا متواضعه اوي يا دكتور مع اني عارفه انها متجيش حاجه في حلاوتي ولا عندها امكانياتي بس مش بحب اكون مغروره و لا اتقارن بحد اه اصل اللي تبص لغيرها يعني معندهاش ثقه في نفسها هو انت اسمك ايه صح يا دكتور

الدكتور . انا يا جميله يا بطبوطه اسمي مروان

تهاني. هههه ماشي يا مرمور استني مني تليفون شكل كده هيبقي فيه نصيب

الدكتور . اكيد لازم اتصل انا سمعت ان هاني جوزك هيطلقك يا موزه ممكن اول ما يحصل تديني رنه عشان كان نفسى من زمان اتجوز واحده في جمالك وحلاوتك

تهاني . الله يا عبدالله خش عليا بالكلام الجامد اعتبرني اتطلقت يا مرمور ظبط حالك وتعالي

روحت تهاني ولقت جوزها سايب لها ورقه مطلقها فيها و كاتب لها انتي اللي ابتديتي يا تهاني

تهاني . الله يمسيكي بالخير يا مامي كانت دايما تقولي يا واخده القرد علي ماله يغور المال و يفضل القرد علي حاله

اهو مشي القرد اشوف حالي انا بقا فاكرني هبكي عليه ابن المبقعه

تاني يوم راحت تهاني المدرسه و كانت الاذاعه المدرسيه شغاله و كانت نهي هتقول فقره هل تعلم

تهاني . امشي يا بت من هنا الفقره النهارده عليا

هل تعلم أن ميس تهاني اصبحت من المطلقات و علي من يرد التقدم لخطبتها يملي الاستمارات

جريت عليها المديره و كانت بتبرق لها . الله يخرب بيتك يا ميس تهاني ايه اللي انتي قولتيه ده انتي خلاص هربت منك ع الاخر يلا اطلعوا ع الفصول يا عيال

تهاني . بقولك ايه يا حضره المديره انا منهاره عاطفيا و مدمره نفسيا و بحاول الملم روحي كده و المدرسه اكتر مكان يجيب لي عرسان متوقفيش حالي الله يسترها عليكي ☹ انا طالعه الفصل

دخلت ميس تهاني و بدأت تشرح الدرس و دخل عليها طالب مبتسم و ماسك ورقه و بيغمز لها و كانت تهاني مستغربه

تهاني . خير يا حبيبي عايز ايه

الطالب . عاايز اقدم الاستماره يا ميس

تهاني . احيييييه لا يا حبيبي بطلت رضاعه من زمان يلا غور من هنا ارجع علي فصلك بدل ما ابلعك ع الصبح و انا لسه مفطرتش

كملت تهاني الحصه بتاعتها و بعد انتهاء اليوم كانت مش عايزه تروح البيت عشان متفتكرش انها اتطلقت و تزعل علي نفسها و قررت نزلت واتفاجات لقت ٣ عرسان واقفين ادام المدرسه و عايزين يكلموها و ماسكين في أيديهم ورد

تهاني . يا ف*ج الله يقطع من هنا و يوصل من هنا اه اصل انا الطلب عليا كتير كله يقف في الصف و يدخل بالبيانات

حسين . انا اسمي حسين مهندس بترول برج الحمل لطيف و دمي خفيف مرتبي كبير و بحب اوي المدرسين و لم يسبق لي الزواج

تهاني . افرح يا حسين انت ال**بان و ربنا سيب رقمك و لو فيه نصيب هكلمك اللي بعده

مصطفي . انا اسمي مصطفي متجوز ٣ و عايز اكمل نص ديني و ادخل دنيا

تهاني . استغفر الله العظيم يا رب اهي الاشكال ديه اللي وقفت سوء الجواز و خلت سمعته زي الزفت يلا غور من وشي بدل ما اطلعك من الدنيا اوصلك الاخره

عماد . انا اسمي عماد عندي مكتب جوازات و برج الاسد و لطيف اوي مع الستات وغاوي مدرسات و مريح في التعامل مع المقلبظات

تهاني . وانا من الستات القويات المفتريات و مبحبش النحنوحين و النحنوحات وزق عجلك يا عماد

روحت تهاني علي البيت و كانت زعلانه جدا

( لا لازم اشغل نفسي وادي العيال دروس في البيت بدل ما اقعد لوحدي واتجنن)

واتصلت بالتليفون. ايوه يا ميس سمر .انا هدي دروس في البيت لغه عربيه لو حد عندك عايز درس قولي لي

تاني يوم بدأت فعلا دروس للاولاد

يلا يا ولاد اكتبوا الواجب وانا هدخل اعمل لي قهوه عشان صدعت

طلعت ميس تهاني سمعت عمر بيكلم حد في التليفون

عمر . ايوه حضرتك ممكن تطلع دلوقتي بس انا مش مسئول عن أي حاجه ممكن تعملها يعني حاول تأمن نفسك كويس

( فصلت تهاني مستغربه بتحاول تفهم الواد ده بيتكلم من مين و علي مين )

وبعدين سمعت خبط ع الباب راحت فتحت لقت هاني جوزها واقف حزين و معاه بوكيه ورد كبير

هاني . عارفه اكتر حاجه بحبها فيكي هي ديه طيبه قلبك

تهاني . جاي تثبتي يا تامر و كان عقلك فين يا اخويا لما فكرت تخوني

هاني . لا يا روحي محصلش هو اللي يتجوز واحده في جمالك يا حبيبتي يفكر يعرف واحده تانيه انا عايزك تسامحيني يا تهاني انا مقدرش استغني عنك .انتي مدتنيش فرصه اشرحلك الموضوع اللي اصلا انتي فهمتيه غلط

تهاني . بقولك ايه لا غلط و لا صح اللي بينا انتهي و مش عايزه جراح و قسوه تاني مش عايزه افتكر حبيبي الاولاني ? امشي يا هاني خطيبي لو شافك هيعملك شاورما ابو مازن و مش هدافع عنك علي فكره هسيبه ياكلك

هاني . لا مش همشي و انا هستحمل اي حاجه ممكن تحصل لي عشانك و كمان انا عارف انك بتحبيني و مش بسهوله تنسيني

تهاني . اللهم طولك يا روح مالك قلبت علي تامر عاشور كده ليه يلا امشي من هنا مش بحب النحنه يا اخويا

هاني . مش ماشي لازم تسمعيني بسنت ديه تبقي بنا صغيره انا اتبنيتها عشان كان نفسي في عيال يا تهاني و انتي حرماني منهم . بسنت ديه طفله عمرنا ٦ سنين و طلبت مني انها نفسها في عيد ميلاد و انا كنت عايز افرحها

تهاني . انت بتتكلم بجد يا حبيبي طفله صغيره

هاني . اه وربنا بس انتي مدتنيش فرصه تسمعيني و ظلمتيني وانا مقدرش اطلقك ديه ورقه كده و كده و فضحتيني ادام الناس بس برضه انتي حبيبتي و متهونيش عليا

تهاني . لولولولولي . يلا يا بنات كله علي بيته خلصنا درس النهارده و انت يا واد يا عمر

عمر . ايون يا ميس تهاني

تهاني . روح يا واد قلبي راضي عنك و ناجح في مادتي ومتحضرش الامتحان .يلا بينا يا حبيبي عشان نشوف اللي ورانا

هاني . علي فين يا حبيبتي وايه اللي ورانا

تهاني . ادخل يا راجل وانا هقولك لازم اصالحك انا زعلتك جامد

( وبعد ٦شهور صحيت تهاني مفزوعه من كابوس فظيع حلمت انها في اوضه العمليات و هاني جوزها رابطها من رجلها و ماسك شنيور و عمال يضحك و بيقولها انا هولدك يا روحي متخافيش هنزل العيل و اقصه بالمنشار ده و بعدين ناخد الحته اللي جوه ديه نحمرها

و ناكولها و شغل المنشار و قامت تهاني مفزوعه و بتصرخ )

الله يخرب بيتك يا هاني علي اليوم اللي اتجوزتك فيه عايز تقصني بالمنشار و تاكولني عايز تولدني يا اخويا منك لله يا شيخ ااااه هولد يا ناس

هاني . اهدي يا بنتي فيه ايه و بعدين انتي بتهلوسي و لا ايه منشار ايه و هباب ايه و بعدين انا قولتلك يا حبيبتي بلاش اكل بالليل كده في واحده حامل تاكول الساعه ١٢ بالليل محشي

تهاني . يا راجل يا اللي معندكش دم انت مسمعتش بقولك انا بولد

هاني. ايه يا حبيبتي بس فيه ايه انتي لسه في ال٦ هتولدي ازاي

تهاني . اه يا راجل يا بارد ما انت مش حاسس باللي انا فيه انا جالي انزلاق غضروفي من تقل الحمل حاسه اني ماشيه بالع** منك لله كان يوم أ**د يوم ما قولت اراضيك و اخلف لك عيل ما كنت تغور و تطلقني و خلاص

هاني . اهدي يا ستي كلها ٣ شهور و تولدي انا مش عارف امال لو زي الستات كل سنه بتخلفي عيل كنتي عملتي ايه

تهاني . يا لهووووي عليك يا راجل يا بارد ٩٠ يوم بتتكلم علي ٩٠ يوم عادي كده اللهي يا رب ترقد ٩٠ يوم عشان تحس بيا و عايزني اخلف كل سنه عيل ليه يا اخويا فاكر نفسك متجوز ارنبه فرنساوي قوم وديني للدكتور يا اللي معندكش ريحه الدم

( قام هاني و لبس و خد تهاني علي الدكتور )

الدكتور . فيه ايه يا مدام بتشتكي من ايه

تهاني . لا كل خير يا دكتور طالع لي فسفوسه في وشي و مش عارفه اعمل ايه بتزغزغني

( حط الدكتور ايده علي دماغه و بيبص في وشها بيدور عليها )

تهاني . هو البعيد اعمي هو مش انت دكتور نسا و توليد مش شايفني حامل و بطني اد كده ادامي يا دكتور انا تعبانه و بموت ادامك

الدكتور . بالنسبه للبطن عادي يا مدام اتعودت اشوف الاشكال ديه و بيكون كرش و العياذ بالله من كتر ضرب المحشي اما لو حامل بقا ما هو طبيعي يا مدام تتعبي شايله في بطنك طفل و قربتي تولدي امال عايزه تخلفي ببلاش

تهاني . هو انت تقرب لجوزي هاني يا دكتور

الدكتور . لا يا مدام انا اول مره اشوفكم

تهاني . تصدق بالله انا عرفت دلوقتي ان المشكله مش في جوزي انتوا كلكم صنف معندهوش دم

الدكتور . يا مدام الوجع زايد عليكي عشان انتي تخينه ووزنك كبير

تهاني . يا لهووووي سبني عليه والله اكله واغمس باللي خلفوه انت يا راجل معندكش دم وقليل الذوق كمان قال وزنك تقيل قال روحني يا هاني بدل ما انهي حياته المهنية دلوقتي

الدكتور . خدها و امشي يا استاذ الله يا كون في عونك متجوز جودزيلا خدها و امشي يلا

تهاني . يا لهوي سامع بيقول ايه الراجل المجنون ده انا جودزيلا والله ما هسيبك غير لما اكلك

( هجمت تهاني عليه و فضلت تضرب فيه و الدكتور كان بيصوت ) و بعدها

روحت هي و جوزها و كانت مش طيقاه عشان قله الذوق و عشان مدافعش عنها

تاني يوم راحت المدرسه

و في تحيه العلم كان واقف استاذ احمد بيبص عليها و بيضحك عليها عشان بطنها متر ادام

و وقفت تقول فقره هل تعلم

هل تعلم أن الراجل كائن معندنوش دم ومش بيحس هل تعلم يا استاذ احمد ان الست بتتحمل وجع يعادل **ر الضلوع عشان تجيب عيل يكون بغل زيك و سند وعزوه لحضرتك

سابتهم و طلعت تعيط و جري عليها استاذ احمد

احمد . انا اسف يا ميس تهاني مش قصدي اتريق عليكي انا بس

سابته و مشيت و راحت للمديره و مضيت اجازه ٣ شهور لغايه ما تولد

و في يوم قامت تصوت

تهاني . الحقني يا هاني بولد قوم بسرعه الميه نزلت الله يخرب بيتك

قام هاني مفزوع و جري بيها ع المستشفي

دخلت اوضه العمليات و جوزها كان قاعد بيقرا لها قرآن

و بعد ساعه طلع الدكتور مبروك يا استاذ هاني

ولد زي القمر

هاني . و تهاني عامله ايه يا دكتور

الدكتور . هتبقي كويسه ان شاء الله

و فجاه سمع الدكتور صوت صريخ جريوا لقوا تهاني بتصوت و معاها الممرضه

تهاني . قولت لك انا عايزه بنت هو انا ناقصه واحد متخلف تاني علي صغير بلا ارف

الدكتور . اديها حقنه مهدئه الله يعينك يا استاذ انا ماشي

تهاني .خرجني من هنا يا راجل خرجني و فجاه دخلت ممرضه و معاها البيبي

سمي الله يا مدام

تهاني . بسم الله الرحمن الرحيم

فضلت تبص للبيبي بمنتهي الحب و الفرح . احمدك و اشكر فضلت يا رب حقيقي الاطفال احباب الله و بعد مرور كام سنه كان واقف واحد بيحي العلم

و بعدين قال فقره هل تعلم

هل تعلم أن الراجل

من اكتر الكائنات حساسه في الوجود

تهاني . الله يخربيتك يا هاني علي بيت ابنك مصطفي علي بيت اليوم اللي عملوا فيه اذاعه مدرسيه روح يا مصطفي علي ابوك انت مرفود و انا مستقيله يا حضره المديره سلام . بعد سنه خلفت تهاني العيل التاني و بقا معاها مصطفي و مريم اللي كانت بدلعهم ب ميكي و ميمي و كانوا مشاغ*ين بطريقه غير طبيعيه استنوني الجزء الجديد عشان تعرفوا بيت تهاني وحياتها الجديده مع عيالها بقت عامله ازاي