مستر هاني ومراته تهاني

الفصل السادس

روح ميكي و ميمي الببت و هما خايفين يفتحوا الظرف

ميكي . و بعدين يا بنتي هنفضل كده خايفين نفتح الظرف

ميمي . بقولك ايه لا يا عم ده اكيد كله شتايم انت عارفهم و اكيد عرفوا كل اللي احنا عملناه و هيبهدلونا

ميكي . هيعرفوا منين يا ذكيه مركبين كاميرات في المكان و منعرفش يعني طب هاتي انا هقراها

هاني . عيالي البقر المتخلفين ميكي و ميمي انتوا مش بس فاشلين و كمان مستهترين الميه اللي غرقتوا بيها الشقه و الاكل الدليفري و كل بلوه عملتوها وصلتني عشان كده قررنا تروحوا عند عم دهب و هتقعدوا هناك تساعدوه في شغل البيت لغايه ما نرجع و ده انسب عقاب ليكم و يا ريت تسمعوا كلامه عشان الراجل ده زعله وحش نتقابل قريبا يا بهوات

ميمي . ايه ده بقا ان شاء الله ابوك و امك اتجننوا خلاص عم دهب مين اللي نروح له ده احنا لا هناكول و لا هنشرب ده هيموتنا من الجوع

ميكي . لا يا بنتي متبالغيش مش للدرجه ديه احنا برضه ضيوف عنده

ميمي . انت اهبل يا ابني انت مش عارف عمك بخيل اد ايه ده عايش طول اليوم علي وجبه الفطار ?

ميكي . طب و ايه الحل لازم نروح بدل ما ينفخونا

ميمي . لا يا حبيبي مش رايحه في حته انا و اعلي ما في خيلهم يركبوه هيعملوا لنا ايه يعني ايه الهم ده

ميكي . والله عندك حق هما يتفسحوا و احنا نتسوح كبري دماغك و نقطع الورقه ديه و لا كإن فيه حاجه حصلت

و فجاه اتصل التلفيون و ردت ميمي

هاني . البسي عشان يا هانم في عربيه بعد نص ساعه هتيجي توصلكم و اتلمي انتي و اخوكي و كل كلمه اتقالت هتتحاسبوا عليها بس بعدين

ميمي . يا بابا اصل انا الوووووو الوووووو الووووو يووووه?

ميكي . قفل طبعا في وشك اب جاحد

ميمي . لا مش بس قفل ده سمع كل حاجه قولناها ده شكلهم مركبين كاميرات فعلا

ميكي . طيب و بعدين هنعمل ايه دلوقتي

ميمي . ربنا يلطف بينا بقا يلا نلم حاجتنا مفيش وقت

( قام ميكي و ميمي و حضروا شنطهم وبعد شويه سمعوا صوت كلا** عربيه و نزلوا و ركبوا العربيه )

ميمي . يا رب تعدي الايام السوده ديه علي خير انا زهقت بقا

ميكي . متخافيش يا بنتي انتي وترتيني جدا

( و في بيت عم دهب )

و التليفون رن و كان هاني ابوهم بيكلم اخوه دهب

دهب : ايوه زي ما اتفقنا

هاني . انا عايزك تمرمطهم عشان بعد كده يعتمدو علي نفسم

دهب : صبرك عليا بس ده انت جيت في منطقتي

هاني : متوسعهاش اوي كده دول عيالي بردو

دهب : عيالك ده انا هنيمهم جعنين و هصحيهم جعنين و هقعدهم جعنين و افتكر ان انت اللي اخترت تجبهم عند اللي مش بيرحم

هاني . الله يخربيتك يا دهب الكلب

دهب : متشتمش يا هاني بدل ما اقولهم انك لحد السنه اللي فاتت كنت بتشخ علي روحك

هاني : بقي كده ده عايز تفضحني قدام عيالي و المفروض انا قدوتهم

دهب : قدوت مين يا عم انت نسيت زمان لما ابوك كان بيحب يعاقبك يقوم جيبلك صرصار عشان عارف انك بتترعب من اي كاإن بيتحرك

هاني : و ما زلت يا اخويا بخاف

عم دهب يا عم دهب

دهب : طب سلام انت دلوقتي عشان وصلوا

وصل ميكي و ميمي عند عمهم دهب

ميمي . ازيك يا عمي اخبارك ايه وحشتني جدا

عم دهب . ازيك يا ميمي شكلكهم عاملين مصيبه عشان ابوكم يجيبكم عندي ما انتوا عارفين العيشه معايا عقاب

ميمي . لا متقولش كده يا عمي و لا مصيبه و لا حاجه كل الموضوع ان هما مسافرين و خايفين علينا نقعد لوحدنا

ميكي . والله واحشني جدا يا عمي .

عم دهب . و انت كمان يا حبيبي يلا دخلوا شنطكم في الاوضه ديه و غيروا هدومكم و تعالوا نقعد مع بعض شويه

ميمي . ماشي يا عمي عن اذنك

( دخل ميكي و ميمي الاوضه و كانت طبعا كلها تراب فضلوا يبصوا لبعض بصدمه و طلعوا جري لعمهم )

ميمي . ايه ده يا عم دهب الاوضه كلها تراب هننام فيها ازاي

عم دهب . ما انتي عارفه يا بنتي مفيش حد معايا ينضف لكم الاوضه . ادخلي هاتي المقشه و الجاروف و نضفي انتي و اخوكي انتم مش صغيرين

ميمي . يا سلام يا عمي مجبتش حد ليه يعملها و بعدين احنا ضيوف عندك ازاي تخلينا ننضف و نعمل حاجه عندك

عم دهب . اولا يا ميمي ده بيت عمك مش بيت حد غريب تاني حاجه مش بقولك نضفي اوضتي اقل حاجه تنضفي أوضتك و يلا بسرعه بطلي غلبه عشان لسه هتعملي الاكل

ميمي . ايه يا عمي اكل ايه اللي اعمله بتهزر صح

عم دهب . لا مش بهزر امال مين اللي هيطبخ لكم يا بنتي انا يعني معرفش اصلا يا بنتي كان علي عيني

ميمي . اوكيه بدانا عن اذنك يا عمي

( مشيت ميمي علي اوضتها )

ميمي . ميكي عايزه امشي حرام علي ابوك و امك بجد ايه العيشه الهباب ديه عملنا ايه عشان نتعاقب كده

ميكي . والله ما انا عارف و شكلها ايام سوده و مهببه

( مسكت ميمي و ميكي المقشه و الجاورف و فضلوا ينفضوا و ينضفوا و يمسحوا و يكنسوا

لغايه ما بقا شكلهم شوارع و ميمي فضلت تكح من كتر التراب

ميمي . مش قادره يا ميكي اتنفس ص*ري واجعني جدا من التراب بجد حرام جدا اللي بيحصل ده انا برنسس الجامعه يتعمل فيا كده

ميكي . انا معاكي في كل اللي فات بس مين برنسس الجامعه هو انتي يا بنتي حد يعرفك و لا شايفك خالص

ميمي . ايه يعني قصدك غاده عادل احسن مني و بعدين هو انت دايما بتناقر فيا ليه يلا يا حبيبي شوف مين هيدخل الاول يستحمي لازم ننضف

ميكي . انا طبعا لازم ادخل الاول عايز انام شويه لغايه متطبخي

( فضل ميكي يضحك و ميمي علي اخرهم )

ميكي . اه يا اللي معندكش دم . قوم يلا اتزفت استحمي

ميكي . طيب اهدي يا بنتي انا بهزر معاكي هقوم اهوه

( دخل ميكي الحمام و اتصدم من اللي شافه و رجع بعد دقيقه و فضل ساكت و ميمي بتبص عليه )

ميمي . ايه يا ابني مالك متنح كده ليه رجعت ليه مش كنت داخل تستحمي فيه ايه

ميكي . هااا اه اصل انا فكرت الصراحه حاسس انك تعبتي و قولت اخلي عندي دم و انتي استحمي الاول

ميمي . علي اساس اني مس حفظاك انا مش مرتحالك عشان عجناك و خبزاك اعترف فيه حاجه في الحمام صح ايه مفيش سخان مفيش ميه سخنه

ميكي . كش هقدر اقولك الصراحه و عموما يا ستي روحي اكتشفي بنفسك انتي هتصدعيني ليه

ميمي . ماشي اما اروح اشوف عمك دهب المفتري محضر لنا ايه

( راحت ميمي دخلت الحمام و فضلت تصوت و جري عليها عم دهب و ميكي )

عم دهب . فيه ايه يا ميمي بتصوتي ليه شوفتي عفريت يا بنتي ما تردي فيه ايه

ميمي . شوفت الانيل منه حرام عليك يا عمي حد يعمل ستول و يسيب الحمام كده حرام عليك

عم دهب . هو ده اللي مخليكي تصوتي عموما انا راجل كبير و بنسي يا بنتي عادي ادخلي ادلقي ميه و نضفي الحمام عادي يعني

ميمي . لالالالا دع علي جثتي لا يمكن يحصل ابدا لو هنزل استحمي في الشارع و بعدين انت ازاي عايش كده مين اللي بيعمل لك اكلك و شربك و لبسك و حاجتك كلها مين

عم دهب . انااااا يا بنتي و بعدين الموضوع مش صعب بجيب بجنيه فول من علي العربيه كل يوم الصبح و افضل اكول فيه طول اليوم

ميكي . احيه بتاكول فول بس طول اليوم

عم دهب . لا يا ابني ساعات بغير عشان بزهق بجيب بنص بتنجان ونص فول و اكول فيهم طول اليوم

ميمي . احيه يا ابو سوسو احيه الله يسامحك يا ماما حرام عليكم والله ليه كده بس

عم دهب . يا بنتي انتي ليه مدايقه اكيد مش هتاكلوا الاكل ده

ميمي . اه طبعا هتزود عليهم نص و تجيب بابا غنوج

عم دهب . اه يا بنت اللعيبه عرفتي منين

ميكي . صبرنا يا رب اللهم لا نسالك رد القضاء و لكن نسألك اللطف فينا يا رب

عم دهب . اهدوا يا عيال الغدا كفته و مكرونه

ميمي . احلف والنبي احلف انك مش بتضحك علينا

عم دهب . والله ما بكدب ادخلي نضفي الحمام و استحمي و بعدها تعالي عشان تعملي الاكل

( دخلت ميمي الحمام و كانت ارفانه ع الاخر و عماله تغني والله يا زمن لا بايدينا زرعنا الشوك والله يا زمن فضلت تنضف الحمام اللي كانت هتفطس من ريحته و بعدين خدت شاور و طلعت )

ميمي . ها يا عمي انا جاهزه اعمل الاكل هو فين

عم دهب . اهو يا بنتي في المطبخ

( فضلت ميمي تبص علي المكان اللي شاور عليه وقعدت تعيط وندهت علي ميكي )

ميمي . يا ميكي يا ميكي تعالي هموت بحسرتي

ميكي . ايه يا بنتي فيه ايه تاني

ميمي . بص شوف عمك حاطط ربع كيلو لحمه نعمله كفته و ربع كيلو مكرونه

ميكي . احيه انت صارف و مكلف كده ليه يا عمي

عم دهب . اللي مش عاجبه مياكولش هي مش وكاله من غير بواب

ميمي . يعني ايه يعني ده انت لو هتحاسبنا علي تنضيف البيت كنت دفعت اكتر من كده

عم دهب . نضفتي يا اختي الحته اللي هتنامي فيها .عموما انا هدخل اريح شويه تكوني خلصتي الاكل

( قعدت ميكي و ميمي علي الأرض مصدومين مش عارفين يعملوا ايه )

ميمي . روح يا ميكي الحقه قبل ما ينام قوله يجيب فلوس او يزود لنا الاكل

ميكي. حاضر يا ميمي اهدي اهدي انتي بس يا حبيبتي

( راح ميكي يكلم عم دهب تلقاه بيتكلم في التليفون واتصدم يا تري كان بيتكلم مع مين ده اللي هنعرفه الجزء الجديد )