مستر هاني ومراته تهاني

الفصل السابع

راح ميكي يكلم عم دهب لقاه بيتكلم في التليفون واتصدم

عم دهب .ايوه يا بندق عايزك تدي العمال اجازه اسبوع عشان عندي ولا اخويا هاني جم النهارده عشان يساعدوني و ادينا نوفر شويه من الميزانية

..

جري ميكي علي ميمي و هو بيلطم

(احييببه الله يسامحك يا بابا .هو انا عارف ان عمي واطي بس مش كده يعني )

ميمي .ايه يا ابني فيه ايه .قولتله تاخد منه فلوس عشان نجيب اكل عشان نتغدا

ميكي .نتغدا ايه يا بنتي ده ممكن عشان يوفر الفلوس يطبخنا احنا شخصيا

ميمي .ضحكتني وربنا ??ايه اللي حصل بس

ميكي. هقولك عشان تضحكي بزياده .عمك اتصل بواحد اسمه بندق و طلب منه يمشوا العمال عشان يستفاد مننا و يوفر الفلوس يا اختي

ميمي.احيه ده بجد ولا ايه .يعني انت متاكد انه بيتكلم علينا

ميكي. ايوه يا اختي .مفيش حد غيرنا واسكتي بقا عشان جاي علينا

عم دهب .ها يا حلوين عملتوا الأكل انا ميت من الجوع

ميمي.علي فكره يا عمي ممكن تاكول فول عادي علي فكره.لان حته اللحمه وشويه المكرونه دول مش هيكفوني انا و اخويا

عم دهب.ماشي يا ستي انا مسامح فيهم يلا اتغدوا عشان عايزين نقعد ندردش مع بعض عشان محضر لكم بروجرم هايل

ميكي. سترك يا رب

عم دهب .بتقول ايه يا واد

ميكي .بقول متشوق جدا يا عمي اعرف ايه هو البروجرم ده

عم دهب.متستعجلش يا اخويا علي رزقك .يلا اعملوا الاكل عشان نقعد نتكلم

(و قفت ميمي في المطبخ عملت اللحمه ٤ صوابع كفته بالعافيه وطبقين مكرونه صغيرين

وقعدت تاكول ولاحظت ان عم دهب بيبص علي الاكل من بعيد )

ميكي .قولي لي انتي عرفتي تعملي الاكل ازاي يا بت .ده انتي مدخلتي مطبخ قبل كده ازاي عرفتي تعملي الاكل ده

ميمي .فتحت يا اخويا اليوتيوب ودخلت علي مروه الشافعي و عملت لك الاكل والباقه قربت تخلص

ميكي. لا تسلم ايدك .تفتكري عم دهب عنده واي فاي

ميمي .هو البعيد اعمي مش بيشوف ده يا ابني تلاقيه مستحرم الكهربا اللي مشغلها بص عينه هتطلع علي الكفته ازاي

(بص ميكي لقي عم دهب متنح في الاكل )

ميمي .والله مش مصدقه ان في ناس بالبخل والعفانه ديه

عم دهب .اخبار الكفته ايه يا ميمي انا شايفها من بعيد ريحتها واصله لعندي شكلها فاخر من الاخر

ميمي .فاخر ايه يا عمي و شايف ايه ده من صغر الصوباع انا مش شيفاه .بر نفسك يا عمي بكره تندم لما نورثك

عم دهب .اه يا قليله الادب .بصوا بقا بقلكم ايه انتوا مش جايين رحله انتم جايين عقاب بسبب البلاوي السوده اللي عملتوها في البيت ولا اطفحوا عشان بكره وراكم شغل كتير

ميمي . شغل ايه يا عمي

عم دهب .انتي مسئوله عن حلب البقر كل يوم وتنضيف الزريبه و ميكي هيكون مسئول عن رش السماد بكره

ميكي .انت بتهزر اكيد مستحيل تبهدلنا كده فين العمال المسئوله عن الكلام ده

عم دهب .ادتهم اجازه يرتاحوا تعبانين

ميمي .يعني هما تعبانين وانت عايز تطلع عين اهلنا حرام عليك انا هكلم ماما و بابا يجوا ياخدونا

عم دهب .كلمي اللي يعجبك ولعلمك محدش هيروح من هنا قبل أسبوع

سابته ميمي و جريت علي اوضتها اتصلت ب امها تهاني

ميمي. ازيك يا ماما عامله ايه دلوقتي تعالي خديني من هنا

تهاني.ازيك يا روح ماما عامله ايه. مينفعش يا بنتي نيجي احنا في جزر المالديف بنصيف المكان يا بت عالمي

ميمي. ماما حرام عليكي انتي مش متخيله المكان اللي احنا فيه عامل ازاي

تهاني.بقولك ايه يا شملوله انتي واخوكي البلطجي اسمعوا الكلام وظبطوا اموركم لغايه ما نرجع لاحسن عمك دهب مبيرحمش لو ادايق منكم ممكن يبلعكم

ميمي.ماما انتي متاكده ان احنا عيالك مش خايفه علينا خالص كده

تهاني . ما هو يا بت لو شوفتي منظر الميه ولا المكان اللي بنفطر فيه مش هتصدقي .الاكل جاي لنا في تربيزه في وسط الميه يا بت

ميمي .واحنا فاضل تكه ونجيب الاكل من الزباله حرام عليكي بقا قولي لعم دهب يسبنا نروح

تهاني .اقفلي يا بت الحلو جه كنافه بالقشطة

..

قفلت تهاني مع ميمي .

ميكي. ها قالت لك ايه

ميمي .امك في جزر المالديف بتاكول كنافه بالقشطة

ميكي.الناس ديه مغيبه اكيد .اكيد احنا مش عيالهم

أو هما ضاربين بانجو عشان يبقوا بالدماغ ديه

ميمي .لا وانت الصادق ديه دماغ الجمبري امك لما بتاكول جمبري بتنسي اللي خلفوها

ميكي.طب وبعدين هنعمل ايه

ميمي .يلا ننام و بكره ربنا يسهل

(دخلت ميمي و ميكي يناموا )

وفي الناحيه التانيه كانت قاعده تهاني مع جوزها في اسكندريه

هاني .انتي ليه ضحكتي علي العيال وبعدين ده وش حد يروح جزر المالديف

تهاني .بقولك ايه اظبط كده. ده نص المدرسه كانت بتجري ورايا وعايزين يتجوزني وانا رفضت ورجعت لك

هاني . يا ريتك كنتي سمعتي كلامهم

تهاني .بتقول ايه يا راجل

هاني .مبقولش يا اختي

تهاني .عموما اسكندريه عندي احسن من جذر المالديف

هاني .طيب يا فقريه

....روحت تهاني وجوزها ع البيت وناموا

....

تاني يوم صحيت ميمي و ميكي مفزوعين علي صوت عم دهب و هو عمال يغني

الحلوه ديه قامت تعجن في البدريه والد*ك بيدن كوكو كوكو في الفجريه

ميكي .استغفر الله العظيم يا رب يعني نتحمل العفانه ولا الغباء ولا البخل ولا الصوت الوحش. ليه كده بس يا بابا ربنا يسامحك

ميمي.ااااه يا دماغي الخضه اللي اتخضتها ديه يا ميكي علي الصبح جابت لي صداع وقتي وبعدين الراجل ده بيعمل ايه وفرحان و بيغني كده

ميكي.مش هتصدقي بيعمل بيبي و فرحان

ميمي .يا ربي علي العيله اللي كلها معوقين تعالي يا ابني نكمل نوم

ميكي.يا ريت والله هحاول انام اهو سكت

(نام ميكي و ميمي وبعد نص ساعه قاموا علي صوت الهون)

دب دب دب دب دب

ميمي .لا لالا حرام حرام عمك المتخلف بيعمل ايه.بي**ر في ايه يا رب رحمتك بقا مش هصمد كتير

ميكي.انا مش قادر و مش هقوم اشوفه بيهبب ايه .بقولك ايه متيجي نطلب اوبر و نمشي من هنا

ميمي.معاك فلوس نروح يعني

ميكي .بصي معايا فلوس التا**ي وفلوس اكلنا النهارده وبكره ربنا يحلها المهم نمشي من هنا

ميمي .خلاص انا هقوم احضر الشنط. منه لله راح النوم ومسكني الصداع لو بلعت شريط مسكن كامل مش هيروح الصداع .تعالي ساعدني في الشنط خلينا نهرب من بيت الأشباح ده

(بدأت ميمي و ميكي يجمعوا الهدوم وبعد ما قفلوا الشنطه بيبصوا لقوا عم دهب في وشهم)

ميمي.عم دهب احنا احنا محتاجين نمشي

ميكي .اه يا عمي هنودك ادام بس لازم نمشي

عم دهب انتم فاكرين دخول الحمام زي خروجه ده انا هطلع فيكم كل الارف اللي شوفته من ابوه و مش هرحمكم .انتوا جيتوا لقضاكم

(طلعت ميمي و ميكي يجروا في الشقه وعم دهب يجري وراهم طلع عم دهب يجري وراهم ودخلوا الاوضه وقفلوا علي نفسهم

ميكي .وبعدين في الورده الهباب ديه احنا لازم نشوف حل الراجل ده مجنون يا بنتي

ميمي .عندك حق يا ميكي مش عارفه نعمل ايه اللي يسامحك يا بابا انت و ماما

عم دهب .افتحوا بس هقولكم حاجه. انتوا فاكرين اني فرحان بوجودكم معايا ابدا انا بس رحبت بالفكرة ديه عشان انتقم من ابوكم هاني فيكم .و هو اللي سلمكم ليا بقولكم ايه اطلعوا بدل ما تلاقوا الفيران داخله بتجري في الاوضه و ساعتها هتطلعوا لوحدكم

ميمي .يلا نطلع الراجل ده مش بس ممكن يسيب علينا فيران ده ممكن يسيب علينا كلاب يلا نطلع

(طلع ميكي و ميمي وهما مدايقين وعم دهب كان واقف يضحك)

عم دهب .ايوه كده اتعدلوا .خدوا اللبس ده بتاغ الشغل ولا بينا علي الحظيره يا حلوين

ميمي.حسبي الله ونعم الوكيل. لا اب عدل ولا عم رحيم

ميكي.متوقعه ايه يا بنتي عيله عبد الواحد كلها واحد

ميمي .الله يسامحهم بقا

عم دهب .انتوا هتفضلوا تتكلموا كتير يلا ادامي علي الزريبه والبسوا اللبس ده

(خد ميكي و ميمي لبس كان معفن و ريحته وحشه اوي ولبسوه و ميمي قعدت تكح)

ميمي .ايه يا عمي ده .اللبس ريحته وحشه اوي .انا اتخنقت

عم دهب .اجمدي يا اختي امال لما تدخلي الزريبه هتعملي ايه وبعدين ميكي زي الفل اهوه

(بيبص لقي ميكي اغمي عليه راح جاب جردل ميه و دلقه في وشه وقام ميكي مفزوع)

ميكي.ايه فيه ايه اللي حصل

عم دهب .مفيش يا اخويا انت بس اغمي عليك وصلنا الزريبة

(فضلت ميمي كاتمه نفسها من الريحه و هاين عليها تعيط )

ميمي .يا عمي انتي ليه بتعمل فينا كده حرام عليك انا هفطس

عم دهب. يلا يا شموله ادخلي احلبي البقره وحميها و دلعيها

ميمي.مش حابب اغني لها وارقص لها عشان الحليب يبقي بقشطه زياده

عم دهب. ايه يا بت الدم الخفيف ده .وبعدين لو قادره تعملي كده مش همنعك يا شملوله .وانت يا ميكي تعالي معايا

ميمي .ده ظلم علي فكره .اشمعني انا افضل في الزريبه وانتوا تقعدوا بره

عم دهب .اولا يا ميمي انا مش بظلم حد .الكيكي اللي انتي هتلميه من الح*****ت ميكي هياخده يحطه في الارض اللي ماتت ديه

ميمي .نعم كيكي ايه اللي انت عايزني اشيله

ميكي .نعم انت مش قولت عندك سماد وعايز تحطه للارض

عم دهب.يا ابني هو انت متعرفش ات السماد الطبيعي ده أجمد من أي حاجه يا واد . ويلا بقا كفايه عطله

راح ميكي يحط السماد و ميمي كانت بتحلب البقره

ميمي.اعملي اللبن يا اختي. والله انا م**وفه امسكك اوعي تكوني فاكره اني بتحرش بيكي انا بحاول بس اخد شويه لبن لو تقدري تساعديني وتديني شويه لبن لوحدك يبقي كتر خيرك

وفجاه سمعت صوت ميكي عمال بيصوت

جريت ميمي عليه وهي مخضوضه.ايه ايه فيه ايه يا ميكي

ميكي.الحقيني عمك عايزني اشيل البيبي بتاع الح*****ت وبعدين انخله وبعدين ازرع و اسمد الارض

ميمي.لالا ده كتير اوي .حرام عليك هو عشان معندكش عيال بتبهدل فينا

ميكي.لا يا ميمي انتي ازاي تقولي له كده .انتي جرحتيه جامد .اعتذري له .ده اكيد اتاثر اوي

ميمي.انا يا عمي اسفه مش قصدي والله

عم دهب .هو انتي يا اختي فكراني هزعل عشان معنديش عيال.فكراني يعني مش بخلف طب تعالي اقولك علي الكبيره بقة .انا اصلا طلقت مراتي ومردتش اخلف منها عشان ميجيش عيال مستهترين زيكم يبقوا عايزين ياكلوا لحمه وفراخ ويخلصوا فلوسي اللي تعبت فيها

ميمي.انت سامع يا ميكي اللي بيقوله لا ده اكيد الكهربا ضربت في مخه ده مش طبيعي. يعني حرمت نفس من العيال عشان الفلوس

عم دهب .هو انا مجنون زي هاني اخويا . اهو جاب ٢ متخلفين مخلصين علي صحته و طاقته و فلوسه

يلا كله علي شغله

رجعت ميمي وفضلت تحلب البقر وبدأ ميكي يزرع الارض و يحط السماد .وفي الوقت اللي كان عم دهب مشغول مع ميكي اتسحبت ميمي جوه الشقه وفتحت التلاجه اللي كانت مقفوله بالقفل واتصدمت لما لقت جوه التلاجه ميه وعيش وحته جبنه وعلبه لبن

ميمي.استغفر الله العظيم يارب .والله لو معايا فلوس ل اجيب انا الاكل للراجل البخيل ده واعتبرها صدقه .عموما هاخد اللبن ده انا تعبت اوي النهارده

(خدت ميمي عليه اللبن وعملت لنفسها كوبايه نسكافيه و قعدت تشربها بمزاج )

ميمي. اه ما انا لازم اهتم بصحتي الراجل ده هيموتني من الجوع. ورجعت ميمي علي شغلها وهي بتحلب البقر بش للاسف نسيت تقفل التلاجه وترجع المفاتيح مكانها

وبعد يوم طوووووويل كله تعب ومرمطه روح ميكي و ميمي علي البيت وكل واحد علي نغمه من التعب

ميمي .اااه ياااااني الله يسامحك يا اللي في بالي

ميكي.ااااه يا رجلي يا وجعاني الله يسامحك يا اللي في بالي

عم دهب .متجمدوا كده ده انتوا عيال فافي صحيح .انا هدخل اعمل لكم شاي بلبن

ميمي.ماشي يا عمي

ميكي. شكرا يا عمي

(دخل عم ميكي المطبخ واتصدم لما شاف التلاجه مقتوحه و بمنتهي الغضب فضل يكلم نفسه)

عم دهب.اه يا ولاد الجزمه انا بتستغفلوني وتستقطعوني شربتوا اللبن اللي بقالي شهر بحط منه كل يوم علي الشاي بتاعي والله ما هرحمكم .وراح عم دهب جاب كرباج سوداني.وطلع جري عليهم

عم دهب .مين منكم اللي اتجرأ وفتح تلاجتي و شرب اللبن

(مبمي افتكرت علي طول خبيتها التقيله .انها نسيت تقفل التلاجه)

ميمي.لبن ايه يا عمي فيه ايه

ميكي .انا كنت معاك طول اليوم اكيد مش انا

عم دهب .عندك حق اكيد انتي يا ميمي

ميمي .لالالا مش انا .انا هفهمك بصراحه كنت مصدعه ونفسي في حاجه سخنه

عم دهب .والله لولا انك بنت اخويا كنت نزلت عليكي بالكرباج السوداني لغايه ما يبان لك صاحب .اتفضلي اطلعي علي اوضتك

.وانت يا ميكي رايح فين

ميكي .رايح مع اختي .اكيد مش هسيبها لوحدها

(طلع ميكي و ميمي لغرفتهم وفضل عم دهب يهلل والله لاوريكم يا جزم والله بكره هيبقي يوم محدش فيكم هينساه)

يا تري عم دهب محضر ايه ليهم ده اللي هنعرفه الحلقه الجايه