مستر هاني ومراته تهاني

الفصل الأول

مستر هاني ومراته تهاني

( في مدرسه الثانويه بنات المدرسه اللي كلها حوارات كان فيه مدرسه لغه عربيه اسمها تهاني مدرسه مش وراها حاجه غير الخناقات و المشاكل مع جوزها و المدرسين و الطلاب و كان جوزها معاها في المدرسه مدرس لغه عربيه برضه اسمه استاذ هاني ، الاتنين دول كانوا حديث المدرسه في كل حاجه مفيش يوم بيعدي غير لما يعملوا مشكله و يلموا عليهم الناس و صوتهم يسمع في كل مكان .

مستر هاني كان ماسك فصل ابتدائي في الدور الاول ، و مس تهاني فصلها كان في الدور التاني .

و في الساعه ٧ صباحا

بدا طابور المدرسه و كان كل مدرس واقف ادام الفصل بتاعه

و بعدين اشتغل النشيد الوطني

و كان ٣ تلاميذ واقفين يحيوا العلم و بدأت الاذاعه المدرسيه

الطالب احمد . كان بيقرا قران

و بعدها كانت فقره ( تعلم ) اللي قالها الطالب محمد

و كانت آخر حاجه في الاذاعه المدرسيه و قالتها الطالبه نهي هي فقره هل تعلم

نهي . هل تعلم أن الاندومي من اكتر الوجبات اللذيذه مع الخضار

و طبعا طلعت جري مس تهاني

( سكوووووت وقف لي يا ابني الاذاعه المدرسيه الكوميديه ديه ، بتقولي ايه بقا يا حلوه الاندومي لذيذه مع الخضار ، طب جربتيها يا بت بالسجق ، طيب فكرتي تحطي عليها لحمه مفرومه بتقلب معاكي علي بيتزا الله يخربيتكم بوظتوا التعليم

أنتي في فصل مين يا بت انتي و اسمك ايه انطقي بسرعه )

نهي . انا اسمي نهي يا ميس و في فصل استاذ هاني

تهاني . ااااااه استاذ هاني متوقع طبعا ما هو كل اللي عنده متخلفين

( المديره كانت حاطه ايدها علي رأسها استعداد لوصله الخناق و الردح )

تهاني . يا مستر هاااااني البت نهي تتذنب علي السبورة و وشها في الحيط و يتفتش شنطتها و تشوف ايه اللي جيباه معاها في اللانش بو** بتاعها

هاني . ايه الصباح المهبب ده ع الصبح ما تخليكي في فصلك انتي مالك و مال البنت و بعدين لانش بو** ايه اللي عايزه تفتشيه ايه خلاص اتجننتي يا مس تهاني

تهاني . اه اتجننت ما احنا لو هنسيب العيال ياكلوا و يجيبوا اللي علي كيفهم الدنيا هتخرب يا استاذ انت مش سامع البت بتقول ايه ده انت ممكن تلاقي في اللانش بو** بتاعها كشري

مستر هاني . والله علي الله حكايتك والله يكون في عون العيال البريئة ديه انتي خلاص اتجننتي و مفيش حاجه نافعه معاكي

ميس تهاني . انا اتجننت يا استاذ يا محترم طب انا هوريك الجنان بعينه يا استاذ هاني

المديره . بسسسسس كفايه ع الصبح حرام عليكم بقا انا تعبت من كتر الارف ده ، يلا كله علي الفصول ومش عايزه كلام و آخر مره يحصل خناقه بينكم انتم فاهمين

و اشتغل الطبل و كله طلع ع الفصول

و دخلت مس تهاني الفصل .

تهاني . السلام عليكم ورحمة الله وبركاته

الطالب . و عليكم السلام ورحمة الله وبركاته

تهاني . اقعدوا يا اولاد و طلعوا الكتب علي نشيد قطتي ، يا تري حفظتوا زي ما قولتلكم الحصه اللي فاتت

الطلاب . طبعا يا مس تهاني

طيب قوم يا وائل سمع لي النشيد

وائل . حاضر يا مس

قطتي صغيره و اسمها هديره

شعرها جميل ذ*لها خطير )

مس تهاني . لا ده لما تبقي طالع الساحل مع ماما وتشوف بنت حلوه تبقي تقول ذ*لها خطير ، اقعد يا وائل صفر من عشره

هااا مين تاني . قوم يا يوسف

( قطتي صغيره و اسمها نميره شعرها جميل ذ*لها طويل لعبها يسلي وهي لي كظلي عندها مهاره كيف تصيد حماره ? )

مس تهاني . تصدقوا بالله انتوا ما فيكم حد فالح

، ازاي بعقلك كده القطه هتصطاد حماره انت بتهبد و خلاص اقعد يا ابني

هنقول النشيد و نشرحه تاني و لو المره الجايه متحفظش يبقا متجوش فاهمين

و في اللحظه ديه دخل عليها جوزها هاني

تهاني . فيه ايه يا مستر هاني

هاني . فيه انك بتحرضي العيال انهم ميجوش ، حرام عليكي انتي عايزه تضيعي مستقبلهم

تهاني . اضيع مستقبلهم ليه يا هاني فاكر نفسك بتدرس لعيله زويل . ده الذكي اللي في الفصل معتقد ان القطه بتصطاد حماره وبعدين انت ازاي تقتحم عليا الكيلاس ? عايز ايه يا هاني

هاني . الله يخربيت الافلام اللي بوظت دماغك عموما انا عايز اقولك بعد المدرسه انا عازمك علي اكله بقا من اللي قلبك يحبها

تهاني . يارب سترك الدخله ديه انا عرفاها يا اما هتدبسني في الحساب يا اما هنطلع ناكول كشري

هاني . لا متقلقيش هدلعك ده احنا لسه قابضين و لازم نبر نفسنا

تهاني . والله كل مره بسمع البوق ده و بتشحور عموما هشوف

( طلع مستر هاني و راح علي فصله و كملت مس تهاني الحصه بتاعتها و الجرس ضرب و طلعت بره و نزلت للمديره اللي كانت عايزاها )

المديره . بصي يا تهاني انا بحبك و مقدرش استغني عنك و طبعا انتي عارفه فاهمه كده كويس اوي

تهاني . اكيد عارفه بس مش فاهمه الكلام ده ليه

المديره . انا تعبت منكم و من خناقاتك انتي و جوزك .انتوا حديث المدرسه مش هستنا تتقفل علي ايدكم .

ده العيال بيلعبوا في الببجي بيكم كشخصيات من كتر مشاكلكم

تهاني . يا نهار اسود مين اللي بيلعب بابجي ده انا هنفخهم

المديره . يوووه انتي مش سمعاني يا تهاني خفي مشاكل و خناق .خدي اجازه يا ستي انتي و جوزك اسبوع واحنا هنوزع الحصص بتاعتكم

تهاني . ماشي يا حضره المديره لو ده يرضيكي تقعديني في البيت انا هعمل كده عشان اراضيكي

( زعلت تهاني وراحت لهاني وحكت له اللي حصل ومشيت ع البيت )

بعد ما خلص هاني الحصص بتاعته روح ع البيت و كان جايب ل مراته بوكيه ورد جميل عشان كانت زعلانه من اللي حصل

هاني . حبيبتي متزعليش . تصدقي ديه احلي حاجه عملتها عشان نخرج مع بعض و نغير جو

تهاني . تفتكر انا بعمل حاجه غلط في المدرسه يعني تصرفاتنا وحشه ؟

هاني . لا يا روحي هما اللي فافي شويه . عايزين يتعاملوا بطريقه مش بتاعتنا

المهم احكي لي هنعمل ايه دلوقتي

تهاني . هنام انا مخنوقه اوي بكره هروح المدرسه و انكد عليهم

هاني . طيب البسي هنروح ناكول كبده و سجق و وحواوشي في اي مكان يعجبك

تهاني . كبده و سجق يا راجل هو ده اللي هدلعك و لازم نبر نفسنا منك لله سديت نفسي علي الاكل

هاني . يا ستي متزعليش شوفي عايزه تاكلي ايه و انا هعزمك

تهاني . عايزه اروح اكول فته موزه يا راجل علي طاجن كوارع علي محاشي مشكله ديه بتكون العزومه يا راجل

هاني . ليه يا اختي بنت مين في البلد عشان تاكلي كل ده و بعدين اجيب لك منين انا كل المصاريف ديه

تهاني . منك لله يا شيخ قفلتني من الدنيا كلها انا هتخمد

( نامت تهاني و جوزها نزل جاب لنفسه سندوتشات كبده و سجق و ضربهم في بطنه و تاني يوم صحيت تهاني و استعدت و راحت المدرسه و أول ما شافتها المديره )

المديره . مس تهاني انتي اجازه ايه اللي جابك النهارده .

تهاني . مش عايزه اخد اجازه ورايا نشيد قطتي يا حضره المديره و بعدين انتي عايزه العيال تسقط و لا تسقط انتي فاكره اني في مدرسه في المدرسه تعرف تعلم العيال زيي

المديره . بس الاجازه ديه اتمضت خلاص و كان المفروض متجيش يا ستي كده مش هينفع يا تهاني

تهاني . هو انا مقولتلكيش يا حضره المديره

المديره . مقولتليش عليه ايه يا تهاني

تهاني . اصل يا ستي انا قررت ادرس للعيال كده ببلاش غلابه يا عيني و لازم اجي علي نفسي شويه عشان الكيذر ميضيعوش من غيري

المديره . ماشي يا تهاني طول عمرك قلبك طيب و حنين عشان كده بقا ابقي خدي فصل استاذ هاني النهارده و مش عايزه اسمع مشاكل أو اجري عليكي زي كل مره

تهاني . قصدك فصل الفاشلين يا حضره المديره ماشي هروح متقلقيش ده انتي معاكي احسن مدرسه في المدرسه كلها صدقيني

( راحت مس تهاني علي الفصل الخاص بمستر هاني )

تهاني . السلام عليكم ورحمة الله وبركاته

الطالب . وعليكم السلام ورحمة الله وبركاته

بس كان فيه طالب قاعد سرحان و لا واخد باله خالص من مس تهاني و عمال بيكتب في حاجه

اتسحبت ميس تهاني و راحت له

و رزعت ب ايدها ع الديسك و الولد قام مفزوع

ميس تهاني اسمك ايه يا حبيبي يا هيمان انت يا صغير ياللي موقفتش حتي تسلم علي المدرسه بتاعتك

الولد . انا بعتذر جدا يا ميس كنت مركز في موضوع مهم جدا

تهاني . طبعا يا واد ما هو فصل استاذ هاني كله عباقره معروفه يعني اسمك ايه يا اخويا

الولد . اسمي كاظم يا ميس تهاني

ميس تهاني . احيييه اسمك كاظم . اممم و بتكتب ايه يا كاظم اكيد الواجب طبعا . وريني كده يا حبيبي

( مسكت مس تهاني الدفتر وتنحت )

احيه انت بتكتب جواب غرامي لمين يا اخويا هيه ديه الحاجه المهمه اللي شغلاك

كاظم . لالا يا ميس ده شعر مش جواب خالص انتي فاهمه غلط والله

ميس تهاني . الله عليك يا قاهرهم يا مطير النوم من عينهم سمعني كده يا كاظم كاتب ايه

( عارف بتعمل فيا ايه كلمة حبيبي زي اللي اول مرة بيحس بامان خليك معايا خليك معايا يا حبيبي مهما كان خليك معايا يا حلم عمري اللي في خيالي من زمان )

تهاني . الله عليك يا هضبه تصدق يا واد جسمي قشعر لا بجد أعصابي مش متحمله ايه يا واد الحلاوه ديه ايه

الجمال ده لا هعيط من سحر الكلام انت اللي كاتب ده طبعا صح يا واد

كاظم . طبعا يا ميس تهاني ديه اقل حاجه عندي ده انا لو كتبت هقعد الناس في البيوت آخر مره كتبت اغنيه كان بيتخانق حماقي و تامر حسني عليها و طبعا عشان ميحلصش مشاكل رفضت اني اديها لحد

ميس تهاني . الله عليك يعني حرامي و خيالك واسع و سكتنا كمان كداب . هو انت بتعمل زي الحرامي اللي رايح يسرق شقه مش عارف صاحبها مين

كاظم . لا مش فاهم قصدك يا ميس تهاني

ميس تهاني . قصدي يا واد ان ديه اغنيه عمرو دياب بس عجبني يا واد حسك الفني و بناء عليه قررنا نحن ميس تهاني هد*ك مكافآت عظيمه يا واد يا كاظم اولها

امسك يا كاظم القلم ده واكتب ورايا

( انا كاظم اعترف بكامل قوايا العقليه اني حرامي و فاشل و استاهل عقاب ميس تهاني )

كاظم . لا لا ارجوكي سامحيني يا ميس تهاني مش هعمل كده تاني والله

ميس تهاني . لا ده عند الست الحاجه يا كاظم اما هنا يا واد كل حاجه ليها حساب

( وندت ميس تهاني علي واحد في الفصل )

تعالي يا واد اسمك ايه

الولد . انا اسمي محسن يا ميس تهاني

تهاني . محسن حلو مش بطال روح افتح شنطه الشاعر و هات لي اللانش بو** عشان لسه مفطرتش

( راح محسن و طلع اللانش بو** واداه مليش تهاني )

ميس تهاني . والله أمهات آخر زمن قال متقسم قال ٥ أجزاء فاكهه و حلويات و آيه ديه نوتيلا كمان ده انت مرزق بقا تعالي يا واد يا محسن شوف في عصير ولا لا

( قعدت ميس تهاني تاكول و شربت العصير و دخلت عليها المديره )

المديره . ايه ده يا ميس تهاني انتي مشرحتيش حاجه و قاعده بتاكلي في الحصه ليه

ميس تهاني . لا طبعا يا حضره المديره شرحت الدرس و خلصت و بعدها كنت هبطانه و قولت اكول عشان افوق و درس النهارده كان عن الامانه . اصل بعيد عنك مستر هاني مبوظ العيال . اقوم انا اروح خلاص الجرس ضرب عيال تسد النفس وربنا

نزلت ميس تهاني و قابلت في وشها جوزها مستر هاني

مستر هاني . ايه اللي دخلك الفصل بتاعي يا هانم . وايه اللي انتي عملتيه ده

ميس تهاني . انت ايه اللي جابك مش واخد اجازه معايا و بعدين عرفت منين انت مشغل العيال جواسيس لحسابك

مستر هاني . متغيريش الموضوع يا تهاني ايه اللي عملتيه ده يعني متفطرنيش و تروحي تاكلي اكل العيال

تهاني . يا سلام ده اللي فارق معاك و بعدين عايزه اعرف مين اللي فتن عليا و بلغك تصدق اكيد الواد محسن اللي بلغك ده انا هعمل منه سندوتشات بيض بالبسطرمه

مستر هاني . ليه يا اختي مشبعتيش بعد اللانش بو** المتقسم ٥ أجزاء و العصير

ميس تهاني . لا ده انت لو مركب كاميرات مش هتعرف الحوار بالطريقه ديه . قولي عرفت ازاي بدل ما اروح ابهدل الفصل كله

مستر هاني . انتي دخلتي الفصل بتاعي ليه اساسا

( كانت واقفه المديره بتتتابع الحوار من فوق و خايفه القصه تقلب بخناق و أول ما نزلت و قربت عليهم )

مستر هاني . انا مش عارف اشكرك يا ميس تهاني ازاي علي معاملتك للطلبه الجميله و درس الامانه اللي لو الكل اتعلمه و نفذه زيك هنبقي في حته تانيه خالص

ميس تهاني . متقولش كده يا مستر هاني ده واجبي كمعلمه و انسانه قبلها اني اعمل الاطفال البريئة القيم الانسانيه الجميله

و وصلت عندهم المديره

المديره . انا متشكره جدا عشان انتم بداتم تفكروا كويس و تقدروا بعض و تتعاملوا بطريقه حضاريه تقدروا ترجعوا علي الفصول بتاعتكم من بكره

مستر هاني . متشكر جدا يا حضره المديره

ميس تهاني . هكون عند حسن ظنك ان شاء الله

....... مشيت المديره و سحب مستر تهاني مراته ميس تهاني علي اوضه المدرسين و كان موجود هناك

ميس نهله مدرسه الانجليزي و ميس نجلاء مدرسه العلوم و مستر أحمد مدرس الرياضات

مستر أحمد . يا ساتر عليك يا هاني ساحب مراتك كده ليه كإنك ساحب جاموسه ?

ميس تهاني . ساحب جاموسه ايه يا مستر أحمد متاخد بالك من كلامك هو انت فاكر اللي جوه زي اللي بره

مستر أحمد . مش فاهم قصدك ايه

مستر هاني . قصدها تقولك فاكر ان زي ما بتعتبر مراتك جاموسه فاكر ان الكل زيها

مستر أحمد . انا مسمحش ل أي حد يتكلم علي مراتي انتي فاهمه يا ميس تهاني وانت يا مستر أحمد لم مراتك مش وراكم حاجه غير المشاكل

ميس تهاني . خلاص خلصت وصله الشبحنه عرضتها اوي ادام ميس نهله الانتيم بتاعه مراتك علي اساس انك مش قاعد مع هاني الاسبوع اللي فات عندنا في البيت وبتقوله كان يوم أ**د يوم ما اتجوزت ريم بت مهمله وقالبه البيت زريبه و عامله زي الحمير في النجيل و مخلصه الأخضر و اليابس

مس نهله . نهار اسوح ع الكلام انت بجد قولت كده علي ريم مراتك ديه اخره انها مستحمله العقد بتاعتك و مستحمله طبعك الوحش اخص عليك اخص

مستر أحمد . الله يخربيت معرفتكم المهببه ايه اللي مراتك هببته ده يا مستر هاني

مستر هاني . استنا بس يا مستر أحمد ده اليوم مش هيعدي علي خير انتي بتتجسسي علينا يا هانم ده انتي طلعتي ناقصه ربايه يا تهاني انا هربيكي من أول و جديد

و دخلت المديره اللي كانت واقفه بره و سامعه الحوار من طقطق ل السلام عليكم و اول ما دخلت

المديره . ميه بسرعه و برشامه الضغط اااه مش قادره

مستر هاني . مالك يا حضره المديره ايه اللي حصل

المديره . حرام عليكم اولع في المدرسه عشان ترتاحوا اقلبها مخزن هدوم افتحها جمعيه خيريه و ا**ب ثواب انتوا عايزين مني ايه

ايه الحوار الزبالة ده و انتي ازاي يا ميس تهاني تتجسسي علي جوزك و صاحبه

ميس تهاني . لا انا هقنعك طبعا اكيد مش بتجسس بس المنطق بيقول ايه الشقه ديه مكتوبه ب اسمي يبقي كل ما هو في الشقه داخل المنطقه الخاصه بيا هو بتاعي و اي حاجه تدور جوه شقتي ف هو يخصني لكن لو برا الشقه استحاله اسمع لا حرام و عيب كمان

المديره . اااااه ياااااني اه وانت يا مستر أحمد ازاي تتكلم مع صاحبك علي مراتك

مستر أحمد . انا كنت بفضفض بس مكنتش عارف ان مستر هاني في البيت تحصيل حاصل

المديره . بسسسسسس الجرس ضرب كله علي الحصص و اقسم بالله لو ما عدا اليوم لاخره بهدوء لارفدكم و الحمد لله بكره الجمعه عشان ارتاح منكم محدش يتصل عليا لا جمعه و لا سبت يلا كله علي الفصول

( فعلا الكل التزم عشان خافوا منها و عدي اليوم علي خير و روح هاني و مراته ع البيت )

هاني . هنتغدي ايه يا حبيبتي

تهاني . ??? لا دمك خفيف اوي انت فاكر بعد اللي جري لي النهارده بسببك هعمل لك اكل و لا هسلق لك بيض حتي

هاني . تصدقي يا تهاني انا بفكر في ايه

تهاني . هاااا ارغي يا حلو بتفكر في ايه

هاني . بفكر اكمل نص ديني و اتجوز اصلي لا لاقي حد يأكلني و لا يشربني و لا يعبرني

تهاني . المفروض اضحك ولا اعمل ايه واقول يا هاني لهوووووي الحقوني جوزي هيتجوز عليا هو انا هعيط يعني اصلي نسيت يا حبيبي انك بترضعني

هاني . يعني ايه مش فاهم يعني مش فارق معاكي

تهاني . يعني يا حبيبي اللي خدته القرعه تاخده ام الشعور مش كفايه يا اخويا لازق فيا في المدرسه و البيت و مش باخد منك اجازه روح يا حبيبي اتجوز واحده و ريحني من حوار الاكل والشرب ده

هاني . انا مش بهزر علي فكره انا من حقي ابقي مبسوط ومرتاح وطلباتي كلها مجابه

تهاني .طبعا يا روحي امال ايه والمثل بيقول اشتري يا جاريه وادفع يا سيدي

( و بعدها خرج الباب و راح هاني عشان يشوف مين ولقي راجل بتاع دليفري )

الدليفري . استاذ هاني الاوردر بتاع حضرتك والحساب ٢٥٠ج

هاني . حاضر لحظه واحده. يا تهاني تعالي يا حبيبتي في واحد ع الباب عايزك

تهاني . بص في الورقه يا حبيبتي شوف الطلب ب اسم مين

هاني .يعني بتلبسيني ماشي هاخدهم من فلوس الجمعيه

( ودفع لبتاع الدليفري اللي كان واقف بيضحك )

خد الفلوس و مشي

تهاني.بقولك ايه فلوس الجمعيه ديه تأمين لمستقبل عيالي انت عايز تضيع حياتهم

هاني . احنا معندناش عيال يا تهاني عشان نضيع حياتهم

تهاني .يوووه بكره هيكون عندنا ولا بقا عشان الاكل برد . وخف شويه عشان في جمعه و سبت اجازه يا بيه بلاش نزعل بعض

هاني . طيب ماشي .مقدرش ازعلك وشكرا عشان طلبتي لي الاكل اللي بحبه

تهاني.العفو يا حبيبي بالهنا والشفا يا رب

هاني . حبيبتي ممكن اسالك سؤال

تهاني . اكيد يا روحي اتفضل

هاني . انتي بجد لو انا فكرت اتجوز مش هتزعلي

تهاني . لا يا روحي مش هزعل .انت اللي هتزعل??يمكن ادبحك واخلي الصدور لوحدها والوراك لوحدها والممبار بقا هاخده واعمل بيه محشي .ده انا كمان سمعت ان الوراك ممكن تتعمل زي الحمام الكداب

هاني . اقسم بالله انتي مفتريه .يلا كولي عشان نشوف هنعمل ايه النهارده

(قعدت مستر هاني يتحول وكان مبسوط جدا من الامل واللي فرحه اكتر انه خبي من ادام تهاني مراته باقي الكفته واكلها )

هاني . الله اكل جميل تسلم ايدك يا حبيبتي

تهاني . بالهنا و الشفا يا روحي .هعمل لك كوبايه شاي بالنعناع تظبط لك الدماغ وانت قوم اغسل ايدك وحضر لما فيلم نتف*ج عليه

( دخلت تهاني غسلت ايدها وراحت تعمل الشاي وطلعت لقت هاني مشغل فيلم رومانسي )

تهاني .اتفضل الشاي يا حبيبي .

هاني .تسلم لي روحك يا قمر

( قعدت جمب هاني وانا مبسوطه اوي )

تهاني .بقالنا كتير مقعدناش قاعده زي ديه والفيلم كمان تحفه

هاني . اه والله بحب اوي انك تقعدي جنبي .فيه موضوع عايز افاتحك فيه بس خايف تزعلي

تهاني . موضوع الخلفه والعمليه يا هاني صح

هاني . انا نفسي اكون اب ونفسي يكون عندنا طفل احنا طول الوقت بينا مشاكل وخناقات انا عارف اننا بنحب بعض . بس نفسي حاجه تقولي العلاقه ديه يا تهاني

تهاني.انا كمان نفسي اكون ام .بس مش قادره ادخل اوضه عمليات يا هاني واعمل عمليه تسليك الانابيب ديه. اخاف ادخل غرفه العمليات ومطلعش.عموما سبني افكر تصبح علي خير

هاني . وانتي من اهل الخير

( دخلت تهاني تنام وكانت مدايقه اوي . ااه يا ابن اللذينا بتاخدني ع الحنين عشان احمل والنفخ وافشول واقعد في البيت وتخلص مني في المدرسه و تتظبط انت . ده بعينك يا هاني . ده انا مش هسيبك غير لما المديره ترفدك وروح بقا في مدرسه تانيه بدل ما انت شغال تقول احسن مدرس لغه عربيه ) و نامت تهاني

صحي هاني من النوم وحضر القهوه ودخل الاوضه لقي تهاني بتكلم نفسها وهي نايمه

( عارفاكي بتكرهيني، عملالك أزمة يا عيني ، جواكي بتحسديني )

هاني . كان ميت علي نفسه من الضحك .اقسم بالله متجوز مجنونه فعلا. يارب عدي اليوم علي خير عشان نرجع شغلنا تاني

هاني . اصحي يا روحي الفطار جاهز

تهاني . يلا يا واد افتح ايدك علي الله الاقي في شنطتك نونيلا تاني

هاني . استغفر الله العظيم يارب .قومي يا حبيبتي انا هاني جوزك

( فتحت عينها وابتسمت . هاني صباح القشطه يا روحي .انت بجد عملت لي فطار )

هاني . طبعا وجهزت لك الحمام

تهاني . الله عليك يا حبيبي متحرمش منك يا رب

( قامت تهاني دخلت الحمام وخدت شاور وطلعت )

تهاني. يا سلام بيض مقلي. وفول و بتنجان .ده انت برنس اقسم بالله

هاني . لا و نسيتي اهم حاجه المخلل الجامد و كمان هنخرج و نتفسح وندلع

تهاني . بجد يا روحي .هنروح فين

هاني . دريم بارك يا قلبي ايه رايك في الخروجه ديه

تهاني . الله يا روحي فرحانه اوي اوي بس مش غريبه يا هاني و لا مره فكرت تخرجني

هاني . مين قال يا روحي طول الوقت نفسي اخرجك وافسحك وادلعك بس دايما وقتنا ضيق بس قررت خلاص انتي لازم تكوني رقم واحد في اولوياتي.

تهاني . طيب ليه دريم بارك يا روحي مع ان نفسي من بدري اروحها. بس نفسي اكتر اروح مكان فيه ميه

واعوم والعب وانط

( سرح مستر هاني و هي بتتكلم .طب والله فكره اخدها اي مكان فيه ميه وأحاول اغرقها

واخوفها من غير ما تعرف ان انا ويجي لها انهيار عصبي وتقعد في البيت و ارتاح من ارفها في المدرسه)

تهاني . ايه يا ابني بكلمك روحت فين كده

هاني .لا يا حبيبتي معاكي .كنت بحاول افتكر بس الاماكن اللي فيها ميه حلوه عشان لو عايزه تروحي بعد دريم بارك عايزين نقضي يوم جامد آخر حاجه و ندلع نفسنا بقا

تهاني .لا يا روحي مش للدرجه ديه هي حاجه واحده عشان اتبسط خليها خلاص دريم بارك و قريب نروح البحر ان شاء الله و بعدين ايه الرضا ده كله

هاني . حبيبتي انتي تستاهلي كل خير وانا مقصر معاكي شويه يلا يا روحي قومي اجهزي عشان عايزين نلعب كل الأل**ب و منسبش حاجه خالص

تهاني ماشي يا روحي هقوم البس

( بعد ما خلصت تهاني فطارها دخلت تلبس وجه لهاني تليفون و كالعاده كانت بتتجسس عليه تهاني )

هاني . ايوه يا احمد كله تمام زي ما قولتلي هاخدها امرمطها كل الال**ب الخطيرة بحيث تتعب و ترقد اسبوع ونخلص منها في المدرسه

احمد . يا ابني اقسم بالله شوف انت متوتر و قلقان ازاي و انا بطمنك و اقولك انا شغال كده مع مراتي لما هديت صحتها و بصراحة يا هاني مراتك قويه و مفتريه يعني لازم تروضها يا ابني كده مش نافع

هاني . تعرف يا احمد عمال افكر ايه اللي ممكن يقعدها في البيت مش لاقي الحل الوحيد هو الحمل و هي رافضه مأجله الموضوع عشان تشتغل لي في الازرق

أحمد . والله انت غلبان ديه لو خلفت هتشتغل لك في الازرق بحق هو انت مش مركز مع مراتك ولا ايه و بعدين بتتكلم كده هي فين قتلتها ?

هاني . لا يا عم ديه بتقعد بالساعه تلبس انا ممكن اغفل نص ساعه وتكون لسه بتلبس و في الاخر يعني مش بيكون حاجه مبهره حقيقي ستات فاضيه

أحمد . لا اله الا الله ربنا يعينك يا سيدي ده شلل انا مراتي بتلبس في ٥ دقايق و ديه احلي حاجه فيها

هاني . هو انت فاكر ان ده شلل .الشلل الاكبر انها تطلع وتقولي مش مقتنعه و تغير هدومها تاني ??

أحمد . انت بتتكلم بجد ده علي كده مراتي نعمه احمد ربنا عليها

هاني . اه يا عم ربنا يهديها يا رب ويعدي اليوم علي خير مكنتش احب افكر كده ولا اعمل كده بس الصراحه هي تستاهل . أول حاجه هنبدا بيها لعبه الصاروخ يا احمد

أحمد . ده انت بتحبها اوي ??

هاني . يا عم وربنا بحبها بس هي مش سيبالي فرصه ل اي حاجه و ارفاني في عيشتي

أحمد . لا طالما كده ابدا ب أخطر ٥ ال**ب و بعدين ادخل علي باقي الأل**ب و بهدلها

هاني . ?? نا بس خايف تسورق مني و يضيع مستقبلي يا احمد ساعتها هقول انك العقل المدبر

أحمد . لا متخافش كبيرها هترجع ?? و لو ماتت يا عم مصلحه ليك و ربنا هتدعي لي

هاني . طب يلا يا عم اقفل لتطلع و تسمع حاجه و ساعتها انا اللي هموت يا اخويا

أحمد . ماشي يا عم سلام و البقاء لله مقدما

هاني . سلام يا فقري

( سمعت تهاني المكالمه و اتحرق دمها و قعدت تكلم نفسها انا عايز تركبني الصاروخ احيييه يا هاني عليك متعرفش ان دريم بارك ديه لعبتي انا بقا هركبك الصاروخ و المرجيحه وهخليك تقضيها شقلباظات في الجو عليا الطلاق يا هاني لأنفخك يا هاني و اخليك تبقي تعمل خطط عليا يا ابن المبقعه و بعدين ابتسمت )

ماشي يا هاني الصبر حلو يا جميل خلينا نشوف مين اللي هي**ب في الاخر اما احمد بيه العقل المدبر ف حسابك تاني خااااالص استنوني الجزء التاني