“Kaira…” anas na muli ni Prinsipe Dronno na nilandas ng isang daliri ang kanyang luha.
Parang nanginig ang puso ng dalaga dahil sa tono ng boses nitong nahihirapan din. Puno ito ng emosyon.
Hinawakan ng binata ang kanyang pisngi saka masuyong hinalikan ang kanyang noo. Ramdam niyang ipinarating nito sa kanya na pareho sila ng nararamdaman sa mga sandaling ito.
“Kung… kung maikasal na kayo ni Prinsesa Shaenatta, dapat kalimutan mo na ako, Dronno. Kailangan mong gawin iyon kasi… kasi may responsibilidad ka sa mga Pleretathian. Ayokong ako ang magiging dahilan na sisiklab ulit ang digmaan sa planeta n’yo. Dapat… dapat matutunan mong mahalin ‘yong magiging asawa mo para mas magiging maayos ‘yong pagsasama n’yo.”
“Ano ba’ng pinagsasabi mo? Sinabi ko naman na sa ‘yong wala ang salitang pag-i
