Masaya kaming magkakapatid na nagku-kwentuhan sa sala habang nagpapapak ng pagkain. Kinamusta nila ang buhay ko sa America pati na rin ang love life ko na alam naman nilang wala pa simula nu'ng umalis ako. Broken-hearted nga umalis ng Pinas tapos tatanungin ang love life. Minsan hindi ko maintindihan ang mga kapatid ko kung nasa tamang pag-iisip pa ba sila. Seryoso akong nanonood nang marinig kong magsalita si, Nikki.
"Bakit hindi mo buksan ang puso mo sa iba. Maraming matitinong lalaki sa mundo, hindi lahat pare-pareho. Minsan nga pangit pa ang babaero." sabi ni Nikki na sinabayan pa ng tawa.
Alam ko naman 'yun. Tama naman sila. Pero ang puso ko lang yata ang hindi pa handa. Oo, naranasan kong maligawan, hindi lang isa kundi maraming beses na. Pero ang magkaroon ng seryosong relasyon ay
