CINDY POINT OF VIEW
Nandito ako ngayon sa isang restaurant malapit sa bahay namin ni Sean. Tinawagan ako ni Tita Angel na may gusto raw siyang sabihin sa akin. Alam ko namang tungkol ito sa nangyayari sa aming mag-asawa. Ayoko nga sanang pumunta dahil sa hiya kaso magulang pa rin siya ni Sean at mas nakakahiya kung hindi ko siya sisiputin.
"Hija, alam naming may problema kayong dalawa," panimula ni Tita. Actually, kanina pa kami nandito at ngayon lang siya nagsalita kung kailan naubos ko na ang juice na nasa harapan ko.
"Nag-usap na po kami," matipid kong sagot. Hindi ko siya matingnan sa mata dahil sa hiya. Tuwang-tuwa pa naman sila dati nang ikasal kami ni Sean. Tapos, heto kami ngayon at divorce na ang pinag-uusapan.
"Ilang araw na kasi siyang hindi pumapasok sa kumpanya. Sarado rin
